महाराष्ट्र लोकसेवा आयोगाने (MPSC Group C) महाराष्ट्र गट-क सेवा संयुक्त पूर्व परीक्षा 2026 संदर्भात महत्त्वाचे शुद्धीपत्रक प्रसिद्ध केले आहे. आयोगाने विविध नवीन संवर्गांचा समावेश करून एकूण 5,707 पदांसाठी भरती प्रक्रिया राबविण्याचा निर्णय घेतला असून, उमेदवारांच्या मागणीचा विचार करून अर्ज भरण्याची मुदत वाढविण्यात आली आहे. यानुसार, अर्ज सादर करण्याची अंतिम तारीख आता 10 ऑगस्ट 2026 रात्री 11.59 वाजेपर्यंत करण्यात आली आहे, तर परीक्षा शुल्क भरण्याची अंतिम मुदत 13 ऑगस्ट 2026 निश्चित करण्यात आली आहे. यामुळे अद्याप अर्ज न भरलेल्या हजारो इच्छुक उमेदवारांना मोठा दिलासा मिळाला असून, पात्र उमेदवारांना अर्ज प्रक्रिया पूर्ण करण्याची अतिरिक्त संधी उपलब्ध झाली आहे. तसेच ग्राम महसूल अधिकारी (तलाठी) आणि पेसा क्षेत्रातील पदांसंदर्भातही आयोगाने काही महत्त्वपूर्ण सूचना जारी केल्या आहेत. तसेच महाराष्ट्र लोकसेवा आयोगाने (MPSC) स्पर्धा परीक्षेच्या उमेदवारांसाठी महत्त्वाची सूचना जारी केली असून, यापूर्वी अर्ज सादर केलेल्या उमेदवारांना आवश्यक माहिती आणि संबंधित प्रमाणपत्रे ऑनलाइन पद्धतीने अद्ययावत करणे बंधनकारक करण्यात आले आहे. आयोगाने उमेदवारांना अर्ज प्रणालीतील ‘My Account’ विभागात जाऊन संबंधित परीक्षेसमोरील पर्यायावर क्लिक करून आवश्यक माहिती भरावी, असे निर्देश दिले आहेत. निर्धारित कालावधीत ही प्रक्रिया पूर्ण न केल्यास अर्ज प्रक्रियेवर परिणाम होऊ शकतो, त्यामुळे MPSC परीक्षेची तयारी करणाऱ्या सर्व उमेदवारांनी ही सूचना गांभीर्याने घेणे आवश्यक आहे.

MPSC Group C : 2,619 पदांसाठी भरती; कोणत्या पदांवर होणार नियुक्ती?

या भरती प्रक्रियेत एकूण पाच वेगवेगळ्या पदांचा समावेश करण्यात आला आहे.

• उद्योग निरीक्षक – उद्योग, ऊर्जा व कामगार विभाग – 09 पदे
• तांत्रिक सहाय्यक – वित्त विभाग – 03 पदे
• कर सहाय्यक – वित्त विभाग – 282 पदे
• सहाय्यक मोटार वाहन निरीक्षक (Assistant Motor Vehicle Inspector – Group C) – गृह विभाग – 461 पदे
• लिपिक-टंकलेखक – मंत्रालयीन प्रशासकीय विभाग तसेच राज्य शासनाच्या महाराष्ट्रातील विविध कार्यालयांमध्ये – 1,864 पदे

(MPSC Group C) एकूण रिक्त जागा : 2,619

यामध्ये सर्वाधिक लिपिक-टंकलेखक पदांसाठी भरती होत असून, त्याखालोखाल सहाय्यक मोटार वाहन निरीक्षक आणि कर सहाय्यक पदांसाठी मोठ्या प्रमाणावर जागा उपलब्ध आहेत.

MPSC Group C : पात्रता

शैक्षणिक पात्रता काय आहे?

प्रत्येक पदासाठी वेगवेगळी शैक्षणिक पात्रता निश्चित करण्यात आली आहे.

1) उद्योग निरीक्षक

उमेदवाराने इंजिनिअरिंग पदवी, तंत्रज्ञानातील डिप्लोमा किंवा विज्ञान शाखेतील पदवी प्राप्त केलेली असावी.

2) तांत्रिक सहाय्यक

कोणत्याही मान्यताप्राप्त विद्यापीठाची पदवी (Graduate) आवश्यक आहे.

3) कर सहाय्यक

• कोणत्याही शाखेतील पदवीधर असणे आवश्यक.
• मराठी टंकलेखन 30 शब्द प्रति मिनिट आणि इंग्रजी टंकलेखन 40 शब्द प्रति मिनिट या गतीचे प्रमाणपत्र आवश्यक आहे.

4) सहाय्यक मोटार वाहन निरीक्षक (AMVI)

या पदासाठी उमेदवाराने

• किमान 10वी उत्तीर्ण असावे.
• ऑटोमोबाईल किंवा मेकॅनिकल इंजिनिअरिंगमधील डिप्लोमा किंवा पदवी अथवा समतुल्य पात्रता असणे आवश्यक आहे.

5) लिपिक-टंकलेखक

• कोणत्याही शाखेतील पदवीधर असणे आवश्यक.
• मराठी टंकलेखन 30 शब्द प्रति मिनिट किंवा इंग्रजी टंकलेखन 40 शब्द प्रति मिनिट यापैकी एक पात्रता आवश्यक आहे.

वयोमर्यादा

उमेदवारांचे वय 01 ऑक्टोबर 2026 रोजी खालीलप्रमाणे असावे.

• उद्योग निरीक्षक – 19 ते 38 वर्षे
• तांत्रिक सहाय्यक – 19 ते 38 वर्षे
• कर सहाय्यक – 18 ते 38 वर्षे
• सहाय्यक मोटार वाहन निरीक्षक – 19 ते 38 वर्षे
• लिपिक-टंकलेखक – 19 ते 38 वर्षे

मागासवर्गीय, आर्थिकदृष्ट्या दुर्बल घटक (EWS लागू सवलतीनुसार), तसेच अनाथ प्रवर्गातील उमेदवारांना 5 वर्षांची वयोमर्यादेची सूट शासनाच्या नियमानुसार देण्यात येणार आहे.

नोकरीचे ठिकाण

निवड झालेल्या उमेदवारांची नियुक्ती संपूर्ण महाराष्ट्रातील विविध शासकीय कार्यालयांमध्ये केली जाईल. त्यामुळे राज्यातील कोणत्याही जिल्ह्यात नियुक्ती मिळू शकते.

MPSC Group C : अर्ज शुल्क

आयोगाने प्रवर्गानुसार अर्ज शुल्क निश्चित केले आहे.

• खुला प्रवर्ग – ₹394
• मागासवर्गीय / आर्थिकदृष्ट्या दुर्बल घटक / अनाथ – ₹294
• माजी सैनिक – ₹44

अर्ज कसा करायचा?

भरतीसाठी अर्ज पूर्णपणे ऑनलाइन पद्धतीने स्वीकारले जाणार आहेत. उमेदवारांनी आवश्यक कागदपत्रे, शैक्षणिक प्रमाणपत्रे, टंकलेखन प्रमाणपत्र (लागू असल्यास), फोटो व स्वाक्षरी तयार ठेवून अर्ज भरावा. अर्ज भरताना सर्व माहिती अचूक नमूद करणे अत्यंत आवश्यक आहे. चुकीची माहिती आढळल्यास अर्ज बाद होऊ शकतो.

महत्त्वाच्या तारखा

• ऑनलाइन अर्ज करण्याची अंतिम तारीख : 10 ऑगस्ट 2026
• पूर्व परीक्षा (Computer Based Test – CBT) : 27 सप्टेंबर 2026 पासून

आयोगाने उमेदवारांना अंतिम तारखेची वाट न पाहता वेळेत अर्ज करण्याचे आवाहन केले आहे.

(MPSC Group C) परीक्षा संगणक आधारित (CBT)

या भरतीची पूर्व परीक्षा Computer Based Test (CBT) स्वरूपात घेतली जाणार आहे. त्यामुळे उमेदवारांनी ऑनलाइन परीक्षा प्रणालीचा सराव करणे आवश्यक आहे. वेळेचे नियोजन, ऑनलाइन प्रश्न सोडविण्याचा सराव आणि मागील वर्षांच्या प्रश्नपत्रिकांचा अभ्यास केल्यास परीक्षेत चांगले गुण मिळविण्यास मदत होईल.

उमेदवारांनी कोणती काळजी घ्यावी?

• संबंधित पदासाठी आवश्यक शैक्षणिक पात्रता तपासूनच अर्ज करावा.
• टंकलेखन प्रमाणपत्र आवश्यक असलेल्या पदांसाठी वैध प्रमाणपत्र तयार ठेवावे.
• अर्जातील माहिती प्रमाणपत्रांशी जुळणारी असावी.
• अर्ज शुल्क वेळेत भरावे.
• परीक्षा CBT पद्धतीने असल्याने ऑनलाइन सरावावर भर द्यावा.
• अधिकृत सूचनांचे नियमितपणे पालन करावे.

सरकारी नोकरीची सुवर्णसंधी

महाराष्ट्र शासनाच्या विविध विभागांमध्ये (MPSC Group C) 2,619 पदांची ही भरती राज्यातील स्पर्धा परीक्षा देणाऱ्या उमेदवारांसाठी मोठी रोजगाराची संधी ठरत आहे. विशेषतः लिपिक-टंकलेखक, सहाय्यक मोटार वाहन निरीक्षक आणि कर सहाय्यक या पदांसाठी मोठ्या प्रमाणावर जागा उपलब्ध असल्यामुळे यंदा मोठ्या संख्येने अर्ज होण्याची शक्यता आहे. त्यामुळे इच्छुक उमेदवारांनी वेळ न दवडता अर्ज प्रक्रिया पूर्ण करून अभ्यासाला सुरुवात करावी.

महत्त्वाच्या अधिकृत लिंक

ऑनलाइन अर्ज करण्यासाठी:
https://mpsconline.gov.in/candidate

महाराष्ट्र लोकसेवा आयोगाचे अधिकृत संकेतस्थळ:
https://mpsc.gov.in/home

आमचे अन्य ब्लॉगपोस्ट :

बातमीन्यूज