CTET 2026 Application Form Date – सीटीईटी फेब्रुवारी 2026 परीक्षा सूचना जारी — अर्ज प्रक्रियेची शेवटची दिनांक 18 डिसेंबर 2025 रात्री 11:59 वाजेपर्यंत

CTET 2026 Application Form Date – केंद्रीय माध्यमिक शिक्षण मंडळ (CBSE) द्वारे आयोजित केंद्रीय शिक्षक पात्रता परीक्षा (CTET) फेब्रुवारी 2026 संदर्भात अधिकृत अधिसूचना प्रसिद्ध करण्यात आली होती या परीक्षेसाठी ऑनलाईन अर्ज प्रक्रिया 27 नोव्हेंबर 2025 पासून सुरू झालेली असून दिनांक 18 डिसेंबर 2025 रात्री 11:59 वाजेपर्यंत अर्ज सादर करता येणार आहे.

CTET 2026 Application Form Date : महत्वाच्या तारखा

• ऑनलाईन अर्जाची कालावधी: 27 नोव्हेंबर 2025 ते 18 डिसेंबर 2025
• ऑनलाईन फी भरण्याची अंतिम तारीख: 18 डिसेंबर 2025 (रात्री 11:59 वाजेपर्यंत)
• परीक्षेची तारीख: रविवार, 8 फेब्रुवारी 2026

परीक्षा दोन सत्रांमध्ये घेतली जाईल —

• पेपर II (सकाळचा सत्र): सकाळी 9:30 ते दुपारी 12:00
• पेपर I (दुपारचा सत्र): दुपारी 2:30 ते संध्याकाळी 5:00

अर्ज कसा करावा

उमेदवारांनी https://ctet.nic.in या अधिकृत संकेतस्थळावर जाऊन ऑनलाईन अर्ज सादर करावा. प्रक्रिया पुढीलप्रमाणे आहेः

1. संकेतस्थळ उघडा आणि “Apply Online” या दुव्यावर क्लिक करा.
2. आवश्यक माहिती भरून नोंदणी क्रमांक लक्षात ठेवा.
3. नवीनतम पासपोर्ट फोटो आणि स्वाक्षरीचे स्कॅन अपलोड करा.
4. निर्धारित शुल्क ऑनलाईन (डेबिट/क्रेडिट कार्ड किंवा नेट बँकिंग) द्वारा भरा.
5. अर्ज पूर्ण झाल्यानंतर पुष्टीकरण पृष्ठ (Confirmation Page) प्रिंट करून ठेवा.

अर्ज शुल्क

पात्रता निकष

सीटीईटीसाठी पात्रता निकष राष्ट्रीय शिक्षक शिक्षण परिषद (NCTE) द्वारे निर्धारित केलेले आहेत. उमेदवारांनी अर्ज करण्यापूर्वी आपल्या पात्रतेबाबत खात्री करावी. पात्रतेबाबत सविस्तर माहिती https://ncte.gov.in या संकेतस्थळावर उपलब्ध आहे.

NCTE च्या सूचनेनुसार, आरक्षित प्रवर्गातील (SC/ST/OBC/दिव्यांग) उमेदवारांना शैक्षणिक पात्रतेतील किमान गुणांमध्ये 5% सूट दिली जाईल.

इतर महत्वाच्या सूचना

• उमेदवाराने एकापेक्षा जास्त ऑनलाईन अर्ज सादर केल्यास त्याचे उमेदवारत्व रद्द केले जाऊ शकते.
• सीटीईटी परीक्षा उत्तीर्ण झाल्यानंतर देखील उमेदवाराची अंतिम पात्रता संबंधित नियुक्ती प्राधिकरणाद्वारे पडताळली जाईल.
• परीक्षा संगणक आधारित (CBT Mode) असण्याची शक्यता असून त्यासंबंधीची सविस्तर माहिती नंतर दिली जाईल.

सीटीईटी परीक्षा देशभरातील सरकारी तसेच खासगी शाळांमध्ये शिक्षक म्हणून नियुक्तीसाठी अत्यंत आवश्यक पात्रता मानली जाते. त्यामुळे इच्छुक उमेदवारांनी अंतिम तारखेपूर्वी अर्ज भरून आवश्यक शुल्क सादर करावे.

एनसीटीईकडून शिक्षक पात्रता नियमांमध्ये सुधारणा

राष्ट्रीय शिक्षक शिक्षण परिषद (NCTE) ने “बालकांना विनामूल्य आणि सक्तीचे शिक्षण हक्क अधिनियम, 2009″ (RTE Act) च्या कलम 23(1) अंतर्गत मिळालेल्या अधिकारांचा वापर करून शिक्षक पात्रतेसंबंधी नियमांमध्ये महत्त्वपूर्ण दुरुस्ती केली आहे.

मुख्य बदल पुढीलप्रमाणे:

1. इयत्ता VI ते VIII (किंवा त्यापुढील वर्गांसाठी) शिक्षक पात्रता:
   • विद्यमान अर्हतेमध्ये (“पदवीधर किमान 50% गुणांसह आणि बी.एड.”) आता नवीन अर्हता जोडण्यात आली आहे —
   • पदव्युत्तर स्तरावर किमान 55 टक्के गुण किंवा समतुल्य ग्रेड प्राप्त करून तीन वर्षांचा संयुक्‍त बी.एड.–एम.एड. अभ्यासक्रम पूर्ण केलेला. हेही पात्रतेत ग्राह्य धरले जाईल.
2. विशेष शिक्षण शिक्षकांसाठी पात्रता:
   • “पदवीधर किमान 50% गुणांसह आणि एका वर्षाचा बी.एड. (Special Education)” या पात्रतेबरोबरच आता
     “पदव्युत्तर (55%) आणि तीन वर्षांचा एकत्रित बी.एड.-एम.एड.” या अभ्यासक्रमालाही मान्यता देण्यात आली आहे.
3. प्राथमिक शिक्षक (इयत्ता I ते V) नियुक्तीसाठी नवा पर्याय:
   • NCTE मान्यताप्राप्त संस्थेतून तीन वर्षांचा एकत्रित बी.एड.-एम.एड. अभ्यासक्रम पूर्ण केलेले उमेदवार आता प्राथमिक शिक्षक म्हणून नियुक्त होऊ शकतात.
   • मात्र, अशा उमेदवाराने शिक्षण व्यावसायिकता वाढवण्यासाठी सहा महिन्यांचा ब्रिज कोर्स (Elementary Education मध्ये) अनिवार्यपणे करून घ्यावा लागेल, आणि तो नियुक्तीच्या दोन वर्षांच्या आत पूर्ण करावा लागेल.

सविस्तर माहितीसाठी व ऑनलाईन अर्ज करण्यासाठी येथे क्लिक करा.

आमचे अन्य ब्लॉगपोस्ट:

बातमी न्यूज