पूर्वीच्या रेकॉर्ड ब्रेक तेजीच्या पार्श्वभूमीवर आज ईटीएफमध्ये १२ ते २४ टक्के घसरण नोंदली गेली आहे. घसरणीचे मुख्य कारण म्हणजे दावोस येथील बैठकीनंतर अमेरिकेचे राष्ट्राध्यक्ष डोनाल्ड ट्रम्प यांनी नेटोशी ग्रीनलंडच्या भविष्याबाबत कराराची रूपरेषा जाहीर केली. यामुळे फेब्रुवारी महिन्यात नियोजित टेरिफ रद्द झाल्याने भू-राजकीय जोखमीतील तणाव कमी झाला, ज्याचा परिणाम किंमतींवर दिसून आला.
ईटीएफ (ETF) घसरणीची व्याप्ती
TATA सिल्वर ईटीएफ (TATA Silver ETF) tata silver share price २४ टक्क्यांनी घसरून २५.५६ रुपयांवर पोहोचला, तर एडलवेईस, मिराए आणि ३६० वन सिल्वर ईटीएफ २०-२२ टक्के खाली. बिरला सन लाईफ गोल्ड ईटीएफमध्ये १२ टक्क्यांची घसरण झाली, जी नंतर काहीशी मर्यादित तीज झाली, तर इतर सोन्याच्या ईटीएफमध्येही १४-१६ टक्के घसरण दिसली. एमसीएक्सवर चांदी ४ टक्क्यांनी ३,०५,७५३ रुपयांवर खाली आली, जी उच्चांकापासून ३०,००० रुपयांनी खाली आहे.
ETF घसरणीचे मुख्य कारणे
अमेरिकेचे राष्ट्राध्यक्ष डोनाल्ड ट्रम्प यांनी दावोस येथे नेटो सरचिटणीस मार्क रुट्टेशी बैठक करून ट्रुथ सोशलवर लिहिले, “ग्रीनलंडच्या भविष्याबाबत नेटोशी कराराची रूपरेषा झाली असून, १ फेब्रुवारीला नियोजित टेरिफ लादणार नाही”.
यापूर्वी ट्रम्प यांच्या ग्रीनलंड हल्ला व टेरिफ धमक्यांमुळे भू-राजकीय तणाव वाढून सोने-चांदीकडे सुरक्षित गुंतवणूक वळली होती, आता तणाव मिटल्याने डॉलर मजबूत होऊन किंमती कोसळल्या. गोल्डमन सॅक्सने डिसेंबर २०२६ साठी सोन्याचा अंदाज ५,४०० डॉलरवर वाढवला असून, फेड रेट कपातीमुळे ईटीएफमध्ये मागणी वाढेल असे सांगितले.
तज्ज्ञांचा गुंतवणूकदारांना सल्ला
व्हीटी मार्केटचे जस्टिन खू यांनी म्हटले आहे, ही घसरण मूलभूत कमकुवतपणाची नाही तर भावनिक बदल आहे; दीर्घकालीन गुंतवणूकदार डिप खरेदी करू शकतात. काही तज्ज्ञ सांगतात, की बाजार गरम झाल्याने अजून एका-दोन दिवस स्थिरता बघून खरेदी करावी, तर बाजार विभागलेला आहे. महाराष्ट्रातील गुंतवणूकदारांसाठी हे व्यावसायिक संधी असू शकते, कारण चांदीचे ईटीएफ मल्टिबॅगर ठरले होते.
आमचे अन्य ब्लॉगपोस्ट :
