सांगली जिल्ह्यातील इस्लामपूर (Islampur) शहराचे नाव आता अधिकृतपणे ‘ईश्वरपूर’ झाले आहे. केंद्र सरकारच्या मान्यतेमुळे सर्व शासकीय कागदोपत्री, रेल्वे, पोस्ट खात्यात तसेच नगरपालिकेच्या नोंदींमध्येही ईश्वरपूर हे नाव वापरण्यात येणार आहे. गेली अनेक वर्ष या नामांतराची मागणी स्थानिक स्तरावर होत होती आणि हिंदू अस्मिता मजबूत करण्याच्या हेतूने मोठ्या प्रमाणावर जनआंदोलन, मोर्चे आणि विचारमंथन झाले होते. या मागणीस राज्य सरकार आणि विविध हिंदुत्ववादी संघटनांचा पाठिंबा मिळाला होता. राज्य सरकारने १८ जुलै 2025 रोजी नगरपालिकेच्या प्रस्तावास मंजुरी दिल्यानंतर तो केंद्र सरकारकडे पाठवण्यात आला. अखेर १४ ऑक्टोबर 2025 रोजी केंद्र सरकारच्या भारतीय सर्वेक्षण विभागाने अंतिम मान्यता देत औपचारिक अध्यादेश जारी केला. नामांतरासंदर्भात सर्व प्रशासनिक प्रक्रिया पूर्ण झाल्याने आता सर्व शासकीय संस्थांत नाव बदलण्याच्या सूचना मिळाल्या आहेत.
ईश्वरपूर -Islampur ते ईश्वरपूर
(Islampur) इस्लामपूरचे ईश्वरपूरमध्ये नामांतर करण्याचा इतिहास प्रदीर्घ आणि सांस्कृतिकदृष्ट्या महत्त्वाचा आहे. या शहराचे मूळ नाव ‘ईश्वरपूर’ असल्याचे सांगितले जाते, कारण इथे मंदिरांची संख्या मोठी होती आणि धार्मिक सलोखा कायम होता. मध्ययुगीन काळात, आदिलशाही आणि नंतर औरंगजेबाच्या राजवटीत काही ऐतिहासिक बदल घडले. मुस्लिम समाजाची लोकसंख्या वाढल्याने शहराला ‘इस्लामपूर’ असे नाव दिले गेले. १९२७ मध्ये राष्ट्रीय स्वयंसेवक संघाचे संस्थापक डॉ. हेडगेवार यांनी इस्लामपूरला भेट देताना ‘ईश्वरपूर’ असा उल्लेख केला होता. १९७०च्या दशकात RSSचे पंत सबनीस यांनी प्रथमतः शहराचे नामकरण बदलावे, अशी मागणी केली. १९८६ मध्ये शिवसेनाप्रमुख बाळासाहेब ठाकरे यांची जाहीर सभा होऊन त्यांनी इस्लामपूरचे ‘ईश्वरपूर’ नामकरण व्हावे अशी घोषणा केली. त्यापुढे हिंदुत्ववादी संघटना व स्थानिक नेत्यांच्या नेतृत्वाखाली सतत आंदोलने, मोर्चे आणि सह्यांचे निवेदन प्रशासनाला सादर केले गेले. २०२१ साली नगरपालिकेच्या सभेत नामांतराचा प्रस्ताव मंजूर झाला. राज्य सरकार आणि केंद्र सरकारकडे पाठपुरावा सुरू राहिला. अखेर ऑक्टोबर २०२५ मध्ये केंद्र सरकारने अधिकृत मंजुरी दिल्याने सांगली जिल्ह्यातील इस्लामपूरचे नाव “ईश्वरपूर” ठेवले गेले.
हा निर्णय केवळ एक नावबदल नसून, हिंदू संस्कृतीचा वारसा जपणारा आणि अस्मिता बळकट करणारा ठरला आहे. ही घटना सांगली जिल्ह्यातील आणि राज्यातील हजारो नागरिकांना अभिमानाची वाटते. हिंदू संस्कृतीचा वारसा, लोकभावनांचा आणि दीर्घकाळ टिकून राहिलेल्या मागण्यांचा आदर या निर्णयामागे आहे. स्थानिक नागरिक, संघटना आणि राजकीय नेत्यांनी आनंद व्यक्त करत फटाके फोडून विजय उत्सव साजरा केला आहे. या ऐतिहासिक घडामोडीसाठी पंतप्रधान नरेंद्र मोदी, केंद्रीय आणि राज्य सरकारचे मनःपूर्वक आभार व्यक्त करण्यात आले आहेत.
संपूर्ण महाराष्ट्रात आणि सांगली जिल्ह्यात या निर्णयाचे स्वागत होत आहे, आणि आता ईश्वरपूर हे शहर नवीन ओळख, गौरव आणि सांस्कृतिक महत्त्व प्राप्त करणार आहे.
भाजपचे नेते व मंत्री नितेश राणे यांनी (Islampur) इस्लामपूरचे ईश्वरपूर नामकरण झाल्यानंतर सामाजिक माध्यमावर आनंद
भाजपचे नेते व मंत्री नितेश राणे यांनी (Islampur) इस्लामपूरचे ईश्वरपूर नामकरण झाल्यानंतर सामाजिक माध्यमावर आनंद आणि अभिमान व्यक्त करणारा ट्विट केला. या ट्विटमध्ये त्यांनी सांगली जिल्ह्यातील या ऐतिहासिक बदलाचे स्वागत केले असून, “एक हिंदू म्हणून मीही या मोर्चात सहभागी झालो असल्याचे” नमूद केले. त्यांनी हेही स्पष्ट केले की, केवळ नामांतरापुरतेच हे मर्यादित नसून, हा निर्णय हिंदू संस्कृती आणि अस्मिता जपण्यासाठी महत्वाचा आहे.
नितेश राणे यांनी आपल्या ट्विटमध्ये माननीय पंतप्रधान नरेंद्र मोदी आणि केंद्र व राज्य सरकारचे आभार मानले आहेत. स्थानिक पातळीवर मोठी जनआंदोलनं, मोर्चे, आणि दीर्घ कालावधीची मागणी पूर्ण झाल्याचा आनंद त्यांनी व्यक्त केला. “इस्लामपूर (Islampur) हे नाव पाकिस्तानसदृश वाटते, भारतात शहराचे नाव हिंदू संस्कृतीशी संबधितच असावे,” असे मत त्यांनी जाहिरपणे मांडले होते. या निर्णयामुळे संपूर्ण सांगली आणि राज्यभरात हिंदुत्ववादी विचारसरणी आणि सामाजिक अस्मिता यांमध्ये अधिक बळ मिळाल्याचे त्यांनी म्हटले आहे.
या ट्विटनंतर काही राजकीय व सामाजिक वर्तुळात सकारात्मक तसेच विरोधी प्रतिक्रिया उमटल्या आहेत, मात्र नितेश राणे यांच्या दृष्टीने हे ऐतिहासिक ‘सांस्कृतिक पुनरुज्जीवन’ असल्याचेच प्रतिपादन आहे.
नितेश राणे यांची समाज माध्यम साईट “x” वरील प्रतिक्रिया पाहण्यासाठी येथे क्लिक करा.
आमचे अन्य ब्लॉगपोस्ट :
Rape Case – साताऱ्यातील महिला डॉक्टरची गळफास लावून आत्महत्या, आरोपी पोलिस अधिकारी निलंबित !
