मोंथा (Motha) चक्रीवादळानं अंदाधुंदी माजवली !

मोंथा (Motha) चक्रीवादळानं अंदाधुंदी माजवली असून, आंध्र प्रदेशातील काकीनाडा आणि मछलीपट्टणम या किनारपट्टी भागात मोठा तडाखा दिला आहे. मोंथा चक्रीवादळानं अंदाधुंदी माजवली असून, सुमारे 100 ते 110 किमी प्रतितास वेगाने वाहणाऱ्या वाऱ्यांसह आणि मुसळधार पावसामुळे आंध्र प्रदेश राज्यातील अनेक किनारी भागांमध्ये मोठे नुकसान झाले आहे.या आपत्तीमुळे एक व्यक्तीचा मृत्यू, तसेच शेकडो घरांचे छप्पर उडून जाणे, झाडे उन्मळून पडणे आणि वीजपुरवठा खंडित होणे अशी गंभीर परिस्थिती निर्माण झाली आहे. Motha वादळाचा परिणाम तेलंगणा आणि ओडिशा राज्यांतही स्पष्टपणे जाणवला. सुमारे 38,000 लोकांना सुरक्षित स्थळी हलवण्यात आले असून शेकडो झाडे व विद्युत खांब कोसळल्याने वीजपुरवठा पूर्णपणे खंडित झाला आहे. अतिवृष्टीमुळे धान, मका आणि केळी पिकांचे सुमारे 38,000 हेक्टर क्षेत्र पाण्याखाली गेले असून मोठ्या आर्थिक नुकसानीचा अंदाज व्यक्त केला जात आहे. रस्ते वाहतूक ठप्प झाली असून, रेल्वे आणि विमानसेवा काही प्रमाणात विस्कळीत झाली आहे.आंध्र प्रदेशात ३७७८ गावांमध्ये मुसळधार पावसाचा इशारा दिला गेला असून, ३१७४ पुनर्वसन केंद्रे सुरू केली आहेत. ५४ रेल्वे गाड्या रद्द करण्यात आल्या आहेत. या वादळामुळे महाराष्ट्र, गुजरात, ओडिशा, पश्चिम बंगाल आणि तामिळनाडूच्या किनारपट्टी भागात देखील सतर्कतेचा इशारा देण्यात आला आहे. हवामान विभागाने सूचना केल्या आहेत की पुढील २४-४८ तास अत्यंत महत्त्वाचे असतील. ओडिशात, महाराष्ट्र आणि पश्चिम किनाऱ्यावरही प्रचंड लाटा आणि वादळी पाऊस सुरू आहे. भारतीय हवामान विभागाने ९०-११० किमी प्रतितास वेगाने वारे आणि अतिवृष्टीचा इशारा दिला आहे. विदर्भातील काही जिल्ह्यांना ऑरेंज अलर्ट जारी करण्यात आला आहे.

Motha चक्रीवादळ मुख्य घडामोडी

Motha चक्रीवादळाबाबत हवामान विभागाने सूचना केल्या आहेत की पुढील २४-४८ तास अत्यंत महत्त्वाचे असतील. ओडिशात, महाराष्ट्र आणि पश्चिम किनाऱ्यावरही प्रचंड लाटा आणि वादळी पाऊस सुरू आहे. या वादळामुळे महाराष्ट्र, गुजरात, ओडिशा, पश्चिम बंगाल आणि तामिळनाडूच्या किनारपट्टी भागात देखील सतर्कतेचा इशारा देण्यात आला आहे. भारतीय हवामान विभागाने ९०-११० किमी प्रतितास वेगाने वारे आणि अतिवृष्टीचा इशारा दिला आहे. विदर्भातील काही जिल्ह्यांना ऑरेंज अलर्ट जारी करण्यात आला आहे.

• आंध्र प्रदेशात ३७७८ गावांमध्ये मुसळधार पावसाचा इशारा दिला गेला असून, ३१७४ पुनर्वसन केंद्रे सुरू केली आहेत. ५४ रेल्वे गाड्या रद्द करण्यात आल्या, तर सात जिल्ह्यांमध्ये वाहतूक बंद आहे.
• वादळाच्या परिणामस्वरूप महाराष्ट्र, तामिळनाडू तसेच ओडिशा या राज्यातील किनारपट्टीजवळील भागांना जोरदार वाऱ्याचा आणि मुसळधार पावसाचा तडाखा बसला आहे. कोकण आणि विदर्भात विशेषत: सावधगिरी बाळगण्याचे आवाहन प्रशासनाने केले आहे.
• अनेक ठिकाणी मोठ्या झाडांचे, विजेच्या तारांचे नुकसान झाले आहे आणि वीजपुरवठा खंडित झाला आहे. तसेच, प्रशासनाने नागरिकांना सुरक्षितस्थळी हलवले आहे तसेच एसएमएसद्वारे सतर्कतेचा इशारा देण्यात आला आहे.

Motha चक्रीवादळाबाबत हवामान खात्याचा इशारा आणि प्रशासनाची तयारी

भारतीय हवामान विभागाने Motha चक्रीवादळाबाबत २८ -२९ ऑक्टोबर पर्यंत विविध राज्यातील विशिष्ट जिल्ह्यात रेड अलर्ट तर काही जिल्ह्यात ऑरेंज अलर्ट जारी केला आहे. भारतीय हवामान विभागाने (IMD) (Motha) चक्रीवादळामुळे विविध राज्यांसाठी सतर्कतेचा इशारा दिला आहे. महाराष्ट्र राज्यातील विदर्भातील गोंदिया, गडचीरोली, चंद्रपूर आणि यवतमाळ या जिल्ह्यांना ऑरेंज अलर्ट जारी करण्यात आला आहे. या जिल्ह्यांमध्ये २९ ऑक्टोबर रोजी मध्यम ते जोरदार पावसाचा इशारा दिला आहे.

आंध्र प्रदेशातील श्रीकाकुलम, विजयानगरम, अनकापल्ली, काकिनाडा, पूर्व गोदावरी, पश्चिम गोदावरी, कृष्णा, कोनासिमा, बापटला, नगरकुर्नूल, एलुरु, रायागर, कलहंडी, नबरंगपूर, कोरापुट, मलकानगिरी, बी. कोथागुडेम, खम्मम, मुलुगु या जिल्ह्यांसाठी रेड अलर्ट जारी करण्यात आला आहे. प्रचंड मुसळधार पाऊस आणि जोरदार वाऱ्याचा धोका असल्यामुळे या भागात प्रशासन सतर्क आहे.

ऑरेंज अलर्ट असलेल्या आंध्र प्रदेशातील जिल्ह्यांमध्ये अल्लुरू सिथाराम राजू, एन टी आर, एलुरु, पार्वतीपूर्मानायाम, गजपती, कंधमल, बालनगिर, नौपरह, बालोद, पद्देपल्ले, प्रकासम या जिल्ह्यांचा समावेश आहे. तेलंगणा राज्यातील नलगोंडा, पालनाडू, गुंटूर, नंदयाल, एस. पी. एस. आर. नेल्लोरे, तिरुपती, मन्चेरिअल, भूपालपल्ली या जिल्ह्यांनाही ऑरेंज अलर्ट देण्यात आला आहे. छत्तीसगडमधील बस्तर, दंतेवाडा, सुक्मा, कोंडागाव, दुर्ग, बालोद व गुजरातमधील अमरेली, भावनगर हे जिल्हे ऑरेंज अलर्टमध्ये आहेत.

प्रशासानाकारून किनारपट्टी, सखल भागातील नागरिकांचे स्थलांतर करण्यात आले असून, NDRF आणि SDRFच्या तुकड्या तैनात करण्यात आल्या आहेत. सर्व संबंधित जिल्ह्यांमध्ये प्रशासनाने मदत आणि आपत्कालीन यंत्रणा तैनात केल्या असून, नागरिकांनी हवामान खात्याच्या आणि स्थानिक प्रशासनाच्या सूचनांचे पालन करावे, असे आवाहन करण्यात आले आहे. प्रशासनाने नागरिकांना अत्यावश्यक सेवा सोडून घराबाहेर न पडण्याचे आवाहन केले आहे. रेल्वे आणि परिवहन सेवा देखील काही भागात पूर्णपणे बंद आहेत.

सध्याची स्थिती

• मोंथा (Motha) वादळ पश्चिम-मध्य बंगालच्या उपसागरावरून सरकत असून, आंध्रप्रदेश-जवळील किनारी भागात गंभीर स्थिती निर्माण झाली आहे. पुढील सहा तासांत हे वादळ कमकुवत होत जाईल असा अंदाज हवामान विभागाने व्यक्त केला आहे.

वादळग्रस्त भागातील जनतेसाठी प्रशासनाने तातडीच्या मदतीची व्यवस्था केली असून, सतत पर्यवेक्षण आणि मदत सुरू आहे. नागरिकांनी सुरक्षित राहावे आणि प्रशासनाच्या सूचनांचे पालन करावे, असे वारंवार आवाहन केले जात आहे.

संभाव्य परिणाम व सावधगिरीचे उपाय

Motha चक्रीवादळामुळे होणारे परिणाम:

• झोपड्या, कच्ची घरे, झाडे आणि विद्युत तारा यांचे नुकसान.
• किनारी भागात वादळी लाटा आणि पूरस्थिती.
• वाहतूक व्यवस्थेवर परिणाम, काही भागांत भूस्खलनाची शक्यता.
• पिकांना आणि फळबागांना मोठे नुकसान.

IMD ने नागरिकांना केलेल्या सूचना:

• घराबाहेर पडू नये आणि झाडाखाली आसरा घेऊ नये.
• वीज उपकरणांचे प्लग काढून सुरक्षित ठिकाणी राहावे.
• स्थानिक प्रशासनाच्या सूचनांचे काटेकोर पालन करावे.
• मच्छिमारी, पर्यटन आणि हेलिकॉप्टर सेवा तात्पुरत्या स्थगित.

समुद्रातील स्थिती

• बंगालच्या उपसागरात समुद्र खूप उग्र आणि अस्थिर,
• आंध्र प्रदेश आणि ओडिशा किनाऱ्यांवर प्रचंड वादळी लाटा,
• किनाऱ्यांलगतच्या खालच्या भागांमध्ये 1 मीटर उंचीपर्यंत पूर येऊ शकतो.
• अरब सागरातही कमी दाबाचा पट्टा असून, गुजरात आणि महाराष्ट्र किनाऱ्यावर 30 ते 65 किमी/तास वेगाने वारे वाहण्याचा अंदाज आहे.

शेती आणि पशुपालनासाठी सल्ला

IMD ने शेतकऱ्यांना सल्ला दिला आहे की-

• धान, मका, मूगफली, कपाशी, सोयाबीन या पिकांची कापणी काही दिवस पुढे ढकला.
• आधी कापलेले पीक सुरक्षित ठिकाणी ठेवा.
• शेतात साचलेले पाणी काढण्यासाठी निचरा व्यवस्था करा.
• पशुधनाला शेडमध्ये ठेवून संतुलित आहार द्या.

दिल्ली-एनसीआरचा अंदाज (28–31 ऑक्टोबर)

दिल्लीमध्ये पुढील काही दिवस अंशतः ढगाळ हवामान राहणार असून तापमान 27°C ते 31°C दरम्यान राहील. हलका धुके आणि थंड वार्‍यांची शक्यता आहे.

एकूण विश्लेषण

“मोंथा” (Motha) हे या हंगामातील सर्वात तीव्र चक्रीवादळांपैकी एक ठरण्याची शक्यता.पूर्व आणि दक्षिण भारतात व्यापक पावसाचे सत्र सुरू राहील.गुजरात आणि महाराष्ट्रातही वादळी परिस्थिती निर्माण होऊ शकते. हवामान खात्याने नारिंगी आणि लाल इशारे जारी करून प्रशासनाला सज्ज राहण्याचे निर्देश दिले आहेत.

हवामान विभागाच्या अधिकृत वेबसाईटला भेट देण्यासाठी येथे क्लिक करा.

आमचे अन्य ब्लॉगपोस्ट:

भारतीय विश्व बुद्धिबळ विजेता डी. गुकेश (D Gukesh) याची ‘क्लच चेस: चॅम्पियन्स शोडाउन’ या प्रतिष्ठित स्पर्धेच्या पहिल्या दिवशी दमदार कामगिरी !