Padma Awards 2026 : राष्ट्रपतींनी ५ पद्म विभूषण, १३ पद्म भूषण आणि ११३ पद्मश्री पुरस्कारांना दिली मंजुरी – देशातील सर्वोच्च नागरी सन्मानांपैकी एक असलेल्या (Padma Awards 2026) पद्म पुरस्कारांची यादी २०२६ साठी जाहीर करण्यात आली आहे. गृह मंत्रालयाने (Ministry of Home Affairs) प्रसिद्ध केलेल्या अधिकृत प्रेस नोटनुसार, यंदा एकूण १३१ मान्यवरांना पद्म पुरस्कार प्रदान करण्यात येणार आहेत. या यादीत ५ पद्म विभूषण, १३ पद्म भूषण, ११३ पद्मश्री पुरस्कारांचा समावेश आहे. विशेष बाब म्हणजे यामध्ये २ संयुक्त (Duo) प्रकरणे असून ती एकच पुरस्कार म्हणून गणली जातात. पद्म पुरस्कार २०२६ च्या यादीत यंदा देशातील अनेक प्रसिद्ध अभिनेते, गायक, क्रीडापटू आणि नामवंत व्यक्तींना सन्मानित करण्यात आले आहे. यामध्ये सुप्रसिद्ध अभिनेते धर्मेंद्र (मरणोत्तर), भारतीय चित्रपटसृष्टीतील दिग्गज अभिनेते ममूटी यांना पद्म भूषण पुरस्काराने गौरविण्यात आले असून, पार्श्वगायिका अलका याज्ञिक यांनाही त्यांच्या दीर्घकालीन संगीतमय योगदानासाठी पद्म भूषण प्रदान करण्यात आला आहे. जाहिरात आणि सर्जनशील क्षेत्रातील दिग्गज पियुष पांडे (मरणोत्तर) यांनाही पद्म भूषणने सन्मानित करण्यात आले. क्रीडा क्षेत्रात भारताचे नाव जागतिक पातळीवर उज्ज्वल करणारे माजी टेनिसपटू विजय अमृतराज यांना पद्म भूषण पुरस्कार जाहीर झाला आहे. तर पद्मश्री पुरस्कारांत भारतीय महिला क्रिकेट संघाची कर्णधार हरमनप्रीत कौर, भारतीय क्रिकेट संघाचा स्टार फलंदाज रोहित शर्मा, महिला हॉकी संघाची माजी कर्णधार सविता पुनिया यांचा समावेश आहे. कला क्षेत्रात सुप्रसिद्ध अभिनेते प्रोसेनजीत चॅटर्जी, तर संगीत क्षेत्रातील ज्येष्ठ कलाकार त्रिप्ती मुखर्जी यांनाही पद्मश्री पुरस्कार देण्यात आला आहे. याशिवाय उद्योगजगतातील अग्रणी व्यक्तिमत्त्व उदय कोटक, तसेच विविध सामाजिक, सांस्कृतिक, वैद्यकीय आणि शैक्षणिक क्षेत्रात उल्लेखनीय कार्य करणाऱ्या अनेक नामवंत व्यक्तींना पद्म पुरस्कार २०२६ द्वारे देशाने गौरविले आहे. या पुरस्कारांमुळे कला, क्रीडा, चित्रपट आणि समाजसेवेच्या क्षेत्रातील योगदानाला राष्ट्रीय स्तरावर मान्यता मिळाल्याचे चित्र स्पष्ट होते.
Padma Awards 2026 पद्म पुरस्कारांचे स्वरूप
पद्म पुरस्कार देशातील विविध क्षेत्रांमध्ये अतुलनीय योगदान देणाऱ्या व्यक्तींना दिले जातात. हे पुरस्कार तीन श्रेणींमध्ये प्रदान केले जातात . दरवर्षी प्रजासत्ताक दिनाच्या निमित्ताने या पुरस्कारांची घोषणा केली जाते. नंतर हे सर्व पुरस्कार राष्ट्रपती भवनात होणाऱ्या विशेष समारंभात प्रदान करण्यात येतात.
पद्म विभूषण (Padma Vibhushan)
पद्म विभूषण (Padma Vibhushan) हा भारतातील दुसऱ्या क्रमांकाचा सर्वोच्च नागरी सन्मान आहे. देशासाठी केलेल्या अत्यंत अपवादात्मक आणि उल्लेखनीय सेवेबद्दल हा पुरस्कार प्रदान केला जातो. कला, साहित्य, विज्ञान, सार्वजनिक जीवन, समाजकार्य, वैद्यकीय सेवा तसेच इतर विविध क्षेत्रांतील असाधारण योगदानाची दखल घेण्यासाठी पद्म विभूषण दिला जातो. दरवर्षी प्रजासत्ताक दिनानिमित्त या पुरस्कारांची घोषणा केली जाते आणि राष्ट्रपतींच्या हस्ते राष्ट्रपती भवनात विशेष समारंभात हा सन्मान प्रदान केला जातो. (Padma Awards 2026) पद्म विभूषण २०२६ अंतर्गत यंदा एकूण ५ मान्यवरांना भारताच्या सर्वोच्च नागरी सन्मानांपैकी एक असलेला पद्म विभूषण पुरस्कार जाहीर करण्यात आला आहे. कला क्षेत्रातील उल्लेखनीय योगदानासाठी धर्मेंद्र सिंह देओल (मरणोत्तर) यांना महाराष्ट्रातून हा सन्मान देण्यात आला आहे. सार्वजनिक जीवनातील प्रदीर्घ सेवेसाठी केरळचे ज्येष्ठ नेते के. टी. थॉमस यांना पद्म विभूषण जाहीर झाला आहे. हिंदुस्तानी शास्त्रीय संगीत क्षेत्रातील विख्यात व्हायोलिन वादक डॉ. एन. राजम (उत्तर प्रदेश) यांनाही कला क्षेत्रातील अतुलनीय योगदानाबद्दल गौरविण्यात आले आहे. साहित्य व शिक्षण क्षेत्रातील महत्त्वपूर्ण कार्यासाठी केरळचे पी. नारायणन यांना हा सन्मान मिळाला आहे. तर केरळचे माजी मुख्यमंत्री आणि ज्येष्ठ राजकीय नेते व्ही. एस. अच्युतानंदन (मरणोत्तर) यांना सार्वजनिक जीवनातील उल्लेखनीय सेवेसाठी पद्म विभूषण प्रदान करण्यात आले आहे.
पद्म विभूषण पुरस्कार (Padma Vibhushan) (५) :
- धर्मेंद्र सिंह देओल (मरणोत्तर) – कला – महाराष्ट्र
- के. टी. थॉमस – सार्वजनिक जीवन – केरळ
- डॉ. एन. राजम – कला – उत्तर प्रदेश
- पी. नारायणन – साहित्य व शिक्षण – केरळ
- व्ही. एस. अच्युतानंदन (मरणोत्तर) – सार्वजनिक जीवन – केरळ
पद्म भूषण (Padmabhushan)
पद्म भूषण (Padmabhushan) हा भारतातील तिसऱ्या क्रमांकाचा सर्वोच्च नागरी सन्मान आहे. देशाच्या सेवेसाठी उच्च दर्जाचे व उल्लेखनीय योगदान देणाऱ्या व्यक्तींना हा पुरस्कार प्रदान केला जातो. कला, साहित्य, शिक्षण, क्रीडा, विज्ञान, वैद्यकीय सेवा, उद्योग, समाजकार्य व सार्वजनिक जीवन अशा विविध क्षेत्रांतील महत्त्वपूर्ण कार्याची दखल म्हणून पद्म भूषण दिला जातो. हा पुरस्कार दरवर्षी प्रजासत्ताक दिनानिमित्त जाहीर केला जातो आणि राष्ट्रपतींच्या हस्ते विशेष समारंभात प्रदान करण्यात येतो. (Padma Awards 2026) पद्म भूषण २०२६ अंतर्गत यंदा देशातील विविध क्षेत्रांतील १३ मान्यवरांना हा प्रतिष्ठित नागरी सन्मान प्रदान करण्यात आला आहे. कला क्षेत्रात महाराष्ट्रातील सुप्रसिद्ध गायिका अलका याज्ञिक तसेच केरळचे ज्येष्ठ अभिनेते ममूटी यांना त्यांच्या दीर्घ आणि उल्लेखनीय कारकिर्दीसाठी पद्म भूषण जाहीर झाला आहे. सार्वजनिक जीवनातील योगदानाबद्दल भगतसिंग कोश्यारी (उत्तराखंड), वेल्लापल्ली नटेशन (केरळ) आणि शिबू सोरेन (मरणोत्तर) (झारखंड) यांचा समावेश आहे. वैद्यकीय क्षेत्रात तामिळनाडूचे कल्लिपट्टी रामासामी पलानीस्वामी, तसेच अमेरिकेतील प्रसिद्ध हृदयरोगतज्ज्ञ डॉ. नोरी दत्तात्रेयुडू यांना सन्मानित करण्यात आले आहे. जाहिरात व सर्जनशील क्षेत्रातील दिग्गज पियुष पांडे (मरणोत्तर) यांनाही कला क्षेत्रातील योगदानासाठी गौरविण्यात आले आहे. समाजकार्य क्षेत्रात एस. के. एम. मैलानंदन (तामिळनाडू) यांचा समावेश असून, कर्नाटकचे बहुआयामी कलाकार शतावधानी आर. गणेश यांनाही कला क्षेत्रातील विशेष कार्यासाठी पद्म भूषण प्रदान करण्यात आला आहे. उद्योगविश्वात उल्लेखनीय कामगिरी करणारे उदय कोटक (महाराष्ट्र) यांना व्यापार व उद्योग क्षेत्रातील योगदानाबद्दल हा सन्मान देण्यात आला आहे. याशिवाय व्ही. के. मल्होत्रा (मरणोत्तर) (दिल्ली) आणि आंतरराष्ट्रीय स्तरावरील माजी टेनिसपटू विजय अमृतराज (अमेरिका) यांनाही त्यांच्या सार्वजनिक व क्रीडा क्षेत्रातील उल्लेखनीय सेवेसाठी पद्म भूषण पुरस्कार जाहीर करण्यात आला आहे.
पद्म भूषण पुरस्कार २०२६ (१३ मान्यवर)
- अलका याज्ञिक – कला (गायन) – महाराष्ट्र
- भगतसिंग कोश्यारी – सार्वजनिक जीवन – उत्तराखंड
- कल्लिपट्टी रामासामी पलानीस्वामी – वैद्यकीय सेवा – तामिळनाडू
- ममूटी – कला (चित्रपट) – केरळ
- डॉ. नोरी दत्तात्रेयुडू – वैद्यकीय सेवा – अमेरिका
- पियुष पांडे (मरणोत्तर) – कला (जाहिरात व सर्जनशील क्षेत्र) – महाराष्ट्र
- एस. के. एम. मैलानंदन – समाजकार्य – तामिळनाडू
- शतावधानी आर. गणेश – कला – कर्नाटक
- शिबू सोरेन (मरणोत्तर) – सार्वजनिक जीवन – झारखंड
- उदय कोटक – व्यापार व उद्योग – महाराष्ट्र
- व्ही. के. मल्होत्रा (मरणोत्तर) – सार्वजनिक जीवन – दिल्ली
- वेल्लापल्ली नटेशन – सार्वजनिक जीवन – केरळ
- विजय अमृतराज – क्रीडा – अमेरिका
पद्मश्री (Padmashri)
पद्मश्री (Padmashri) हा भारतातील चौथ्या क्रमांकाचा सर्वोच्च नागरी सन्मान आहे. कोणत्याही क्षेत्रात उल्लेखनीय व समाजोपयोगी सेवा करणाऱ्या व्यक्तींना हा पुरस्कार दिला जातो. कला, साहित्य, शिक्षण, क्रीडा, विज्ञान, वैद्यकीय सेवा, समाजकार्य, उद्योग तसेच इतर अनेक क्षेत्रांतील महत्त्वपूर्ण योगदानाची दखल म्हणून पद्मश्री प्रदान केला जातो. दरवर्षी प्रजासत्ताक दिनानिमित्त या पुरस्कारांची घोषणा करण्यात येते आणि राष्ट्रपतींच्या हस्ते विशेष समारंभात हा सन्मान दिला जातो. (Padma Awards 2026) पद्मश्री २०२६ अंतर्गत यंदा देश–विदेशातील विविध क्षेत्रांतील एकूण ११३ मान्यवरांना हा प्रतिष्ठित नागरी सन्मान प्रदान करण्यात आला आहे. कला, साहित्य, शिक्षण, क्रीडा, विज्ञान व अभियांत्रिकी, वैद्यकीय सेवा, समाजकार्य, कृषी, सार्वजनिक सेवा, रेडिओ प्रसारण, अध्यात्म आणि उद्योग अशा अनेक क्षेत्रांतील उल्लेखनीय योगदानाची दखल या पुरस्कारांद्वारे घेण्यात आली आहे. यामध्ये कलाकार, लोककलावंत, लेखक, शिक्षक, संशोधक, डॉक्टर, समाजसेवक तसेच ग्रामीण व दुर्गम भागात निःस्वार्थ सेवा करणाऱ्या व्यक्तींचा समावेश आहे. क्रीडा क्षेत्रात हरमनप्रीत कौर, रोहित शर्मा, सविता पुनिया यांसारख्या नामवंत खेळाडूंना सन्मानित करण्यात आले असून, कला क्षेत्रात प्रोसेनजीत चॅटर्जी, त्रिप्ती मुखर्जी, सतीश शाह (मरणोत्तर) यांचा समावेश आहे. यंदाच्या यादीत अनेक महिला पुरस्कारार्थी, परदेशी नागरिक तसेच मरणोत्तर पुरस्कारप्राप्त मान्यवर यांचा समावेश असून, समाजाच्या विविध स्तरांतील प्रेरणादायी कार्याला राष्ट्रीय स्तरावर मिळालेली ही मोठी मान्यता मानली जात आहे.
- ए. ई. मुथुनायगम – विज्ञान व अभियांत्रिकी – केरळ
- अनिल कुमार रस्तोगी – कला – उत्तर प्रदेश
- अंके गौडा एम. – समाजकार्य – कर्नाटक
- आर्मिडा फर्नांडिस – वैद्यकीय सेवा – महाराष्ट्र
- अरविंद वैद्य – कला – गुजरात
- अशोक खाडे – व्यापार व उद्योग – महाराष्ट्र
- अशोक कुमार सिंग – विज्ञान व अभियांत्रिकी – उत्तर प्रदेश
- अशोक कुमार हलदार – साहित्य व शिक्षण – पश्चिम बंगाल
- बलदेव सिंग – क्रीडा – पंजाब
- भगवानदास रायकवार – क्रीडा – मध्य प्रदेश
- भारत सिंग भारती – कला – बिहार
- भिकल्या लाडक्या धिंडा – कला – महाराष्ट्र
- विश्वबंधू (मरणोत्तर) – कला – बिहार
- बृज लाल भट – समाजकार्य – जम्मू-काश्मीर
- बुद्ध रश्मी मणी – पुरातत्त्व – उत्तर प्रदेश
- डॉ. बुध्री ताती – समाजकार्य – छत्तीसगड
- चंद्रमौळी गड्डामनुगु – विज्ञान व अभियांत्रिकी – तेलंगणा
- चरण हेंब्रम – साहित्य व शिक्षण – ओडिशा
- चिरंजी लाल यादव – कला – उत्तर प्रदेश
- दीपिका रेड्डी – कला – तेलंगणा
- धार्मिकलाल चुनिलाल पंड्या – कला – गुजरात
- गड्डे बाबू राजेंद्र प्रसाद – कला – आंध्र प्रदेश
- गफरुद्दीन मेवाती जोगी – कला – राजस्थान
- गंभीर सिंग योनझोन – साहित्य व शिक्षण – पश्चिम बंगाल
- गरिमेल्ला बालकृष्ण प्रसाद (मरणोत्तर) – कला – आंध्र प्रदेश
- गायत्री बालसुब्रमण्यम व रंजनी बालसुब्रमण्यम (संयुक्त) – कला – तामिळनाडू
- गोपालजी त्रिवेदी – विज्ञान व अभियांत्रिकी – बिहार
- गुडूरू वेंकट राव – वैद्यकीय सेवा – तेलंगणा
- एच. व्ही. हांडे – वैद्यकीय सेवा – तामिळनाडू
- हॅली वार – समाजकार्य – मेघालय
- हरी माधव मुखोपाध्याय (मरणोत्तर) – कला – पश्चिम बंगाल
- हरिचरण सैकिया – कला – आसाम
- हरमनप्रीत कौर भुल्लर – क्रीडा – पंजाब
- इंदरजीत सिंग सिद्धू – समाजकार्य – चंदीगड
- जनार्दन बापूराव बोथे – समाजकार्य – महाराष्ट्र
- जोगेश देउरी – कृषी – आसाम
- जुजर वासी – विज्ञान व अभियांत्रिकी – महाराष्ट्र
- ज्योतिष देबनाथ – कला – पश्चिम बंगाल
- के. पाजनिवेल – क्रीडा – पुद्दुचेरी
- के. रामासामी – विज्ञान व अभियांत्रिकी – तामिळनाडू
- के. विजयकुमार – नागरी सेवा – तामिळनाडू
- कबिंद्र पुरकायस्थ (मरणोत्तर) – सार्वजनिक जीवन – आसाम
- कैलाशचंद्र पंत – साहित्य व शिक्षण – मध्य प्रदेश
- कलामंडलम विमला मेनन – कला – केरळ
- केवल कृष्ण ठाक्राल – वैद्यकीय सेवा – उत्तर प्रदेश
- खेमराज सुंदरियाल – कला – हरियाणा
- कोल्लकल देवकी अम्मा – समाजकार्य – केरळ
- कृष्णमूर्ती बालसुब्रमण्यम – विज्ञान व अभियांत्रिकी – तेलंगणा
- कुमार बोस – कला – पश्चिम बंगाल
- कुमारस्वामी थंगराज – विज्ञान व अभियांत्रिकी – तेलंगणा
- प्रा. लार्स-क्रिश्चियन कोच – कला – जर्मनी
- ल्यूदमिला खोखलोव्हा – साहित्य व शिक्षण – रशिया
- माधवन रंगनाथन – कला – महाराष्ट्र
- मगंती मुरली मोहन – कला – आंध्र प्रदेश
- महेंद्र कुमार मिश्रा – साहित्य व शिक्षण – ओडिशा
- महेंद्रनाथ रॉय – साहित्य व शिक्षण – पश्चिम बंगाल
- मामिडाला जगदीश कुमार – साहित्य व शिक्षण – दिल्ली
- मंगला कपूर – साहित्य व शिक्षण – उत्तर प्रदेश
- मीर हाजीभाई कासमभाई – कला – गुजरात
- मोहन नगर – समाजकार्य – मध्य प्रदेश
- नारायण व्यास – पुरातत्त्व – मध्य प्रदेश
- नरेशचंद्र देव वर्मा – साहित्य व शिक्षण – त्रिपुरा
- निलेश मंडळेवाला – समाजकार्य – गुजरात
- नूरुद्दीन अहमद – कला – आसाम
- ओथुवार थिरुथानी स्वामीनाथन – कला – तामिळनाडू
- डॉ. पद्मा गुरमेट – वैद्यकीय सेवा – लडाख
- पालकोंडा विजय आनंद रेड्डी – वैद्यकीय सेवा – तेलंगणा
- पोखिला लेखथेपी – कला – आसाम
- डॉ. प्रभाकर बसवप्रभू कोरे – साहित्य व शिक्षण – कर्नाटक
- प्रतीक शर्मा – वैद्यकीय सेवा – अमेरिका
- प्रवीण कुमार – क्रीडा – उत्तर प्रदेश
- प्रेमलाल गौतम – विज्ञान व अभियांत्रिकी – हिमाचल प्रदेश
- प्रोसेनजीत चॅटर्जी – कला – पश्चिम बंगाल
- डॉ. पुन्नियमूर्ती नटेशन – वैद्यकीय सेवा – तामिळनाडू
- आर. कृष्णन (मरणोत्तर) – कला – तामिळनाडू
- आर. व्ही. एस. मणी – नागरी सेवा – दिल्ली
- राबिलाल तुडू – साहित्य व शिक्षण – पश्चिम बंगाल
- रघुपत सिंग (मरणोत्तर) – कृषी – उत्तर प्रदेश
- रघुवीर तुकाराम खेडकर – कला – महाराष्ट्र
- राजस्थपती कालीअप्पा गाउंडर – कला – तामिळनाडू
- राजेंद्र प्रसाद – वैद्यकीय सेवा – उत्तर प्रदेश
- राम रेड्डी मामिडी (मरणोत्तर) – पशुसंवर्धन – तेलंगणा
- राममूर्ती श्रीधर – रेडिओ प्रसारण – दिल्ली
- रामचंद्र गोडबोले व सुनीता गोडबोले (संयुक्त) – वैद्यकीय सेवा – छत्तीसगड
- रतिलाल बोरीसागर – साहित्य व शिक्षण – गुजरात
- रोहित शर्मा – क्रीडा – महाराष्ट्र
- एस. जी. सुशीलम्मा – समाजकार्य – कर्नाटक
- संग्युसांग एस. पोंगेनर – कला – नागालँड
- संत निरंजन दास – अध्यात्म – पंजाब
- सरत कुमार पात्र – कला – ओडिशा
- सरोज मंडल – वैद्यकीय सेवा – पश्चिम बंगाल
- सतीश शाह (मरणोत्तर) – कला – महाराष्ट्र
- सत्यानारायण नुवाल – व्यापार व उद्योग – महाराष्ट्र
- सविता पुनिया – क्रीडा – हरियाणा
- प्रा. शफी शौक – साहित्य व शिक्षण – जम्मू-काश्मीर
- श्री शशी शेखर वेम्पती – साहित्य व शिक्षण – कर्नाटक
- श्री श्रीरंग देवबा लाड – इतर (कृषी) – महाराष्ट्र
- सौ. शुभा वेंकटेश अय्यंगार – विज्ञान व अभियांत्रिकी – कर्नाटक
- श्री श्याम सुंदर – वैद्यकीय सेवा – उत्तर प्रदेश
- श्री सिमांचल पात्रो – कला – ओडिशा
- सौ. शिवशंकरी – साहित्य व शिक्षण – तामिळनाडू
- डॉ. सुरेश हनगवाडी – वैद्यकीय सेवा – कर्नाटक
- स्वामी ब्रह्मदेव जी महाराज – समाजकार्य – राजस्थान
- श्री टी. टी. जगन्नाथन (मरणोत्तर) – व्यापार व उद्योग – कर्नाटक
- श्री तागा राम भील – कला – राजस्थान
- श्री तरुण भट्टाचार्य – कला – पश्चिम बंगाल
- श्री तेची गुबिन – समाजकार्य – अरुणाचल प्रदेश
- श्री थिरुवारूर भक्तवत्सलम – कला – तामिळनाडू
- सौ. तृप्ती मुखर्जी – कला – पश्चिम बंगाल
- श्री वीझिनाथन कामकोटी – विज्ञान व अभियांत्रिकी – तामिळनाडू
- श्री वेम्पटी कुटुंबा शास्त्री – साहित्य व शिक्षण – आंध्र प्रदेश
- श्री व्लादिमेर मेस्तविरिश्विली (मरणोत्तर) – क्रीडा – जॉर्जिया
- श्री युमनाम जत्रा सिंग (मरणोत्तर) – कला – मणिपूर
Padma Awards 2026 सन्मान होणार राष्ट्रपती भवनात होणार
गृह मंत्रालयाच्या माहितीनुसार, हे सर्व पुरस्कार राष्ट्रपती भवनात होणाऱ्या विशेष समारंभात प्रदान करण्यात येणार असून हा कार्यक्रम साधारणतः मार्च किंवा एप्रिल २०२६ दरम्यान आयोजित केला जाईल. भारताचे राष्ट्रपती या समारंभात पुरस्कार विजेत्यांना प्रत्यक्ष सन्मानित करणार आहेत.
यंदाच्या यादीतील महत्त्वाच्या बाबी
- एकूण पुरस्कारार्थी: १३१
- महिला पुरस्कारार्थी: १९
- परदेशी / NRI / PIO / OCI पुरस्कारार्थी: ६
- मरणोत्तर पुरस्कार: १६
- संयुक्त (Duo) पुरस्कार: २
कला, साहित्य, शिक्षण, क्रीडा, वैद्यकीय सेवा, समाजकार्य, विज्ञान, अभियांत्रिकी, उद्योग, सार्वजनिक जीवन, कृषी, अध्यात्म, प्रसारण सेवा आदी अनेक क्षेत्रांतील व्यक्तींना यंदा सन्मानित करण्यात आले आहे.
मरणोत्तर पुरस्कारांचा गौरव
यंदा १६ मान्यवरांना मरणोत्तर पद्म पुरस्कार देण्यात येत असून त्यामध्ये राजकीय, सांस्कृतिक, क्रीडा आणि सामाजिक क्षेत्रातील महान व्यक्तींचा समावेश आहे. त्यांच्या आयुष्यभराच्या सेवेला देशाने दिलेला हा मानाचा मुजरा मानला जात आहे.
देशासाठी प्रेरणादायी सन्मान
पद्म पुरस्कार हे केवळ सन्मान नसून देशाच्या प्रगतीसाठी कार्य करणाऱ्या व्यक्तींच्या सेवेला दिलेली राष्ट्रीय ओळख आहे. ग्रामीण भागात शांतपणे काम करणाऱ्या कार्यकर्त्यांपासून ते जागतिक स्तरावर देशाचे नाव उज्ज्वल करणाऱ्या व्यक्तींपर्यंत सर्वांचा यात समावेश असतो.
“सेवेला सन्मान, कार्याला ओळख” — पद्म पुरस्कार २०२६ (Padma Awards 2026)
या पुरस्कारांमुळे देशातील तरुण पिढीला प्रेरणा मिळेल, समाजातील सकारात्मक कार्याला बळ मिळेल आणि भारताच्या सांस्कृतिक, बौद्धिक व सामाजिक परंपरेचा गौरव अधिक दृढ होईल, असा विश्वास व्यक्त करण्यात येत आहे.
समाज माध्यमावरील प्रतिक्रियेसाठी येथे क्लिक करा.
अधिकृत वेबसाईटसाठी येथे क्लिक करा.
आमचे अन्य ब्लॉगपोस्ट :
