भारताच्या (Sarvesh) सर्वेश अनिल कुशरेने जागतिक अॅथलेटिक्स स्पर्धेत इतिहास रचत पुरुष हायजम्प स्पर्धेच्या अंतिम फेरीत प्रवेश केला आहे. जागतिक अजिंक्यपदस्पर्धेच्या अंतिम फेरीत पोहोचणारा तो पहिला भारतीय हायजम्पर ठरला आहे. टोकियो येथे सुरु असलेल्या जागतिक अॅथलेटिक्स स्पर्धेतील पात्रता फेरीत सर्वेशने 2.25 मीटर उंची यशस्वीरीत्या पार केली. तीन प्रयत्नांनंतर त्याला हा पराक्रम गवसला. 2023 च्या जागतिक अजिंक्यपद स्पर्धा आणि 2024 पॅरिस ऑलिंपिक येथे अंतिम फेरी गाठण्याचे स्वप्न हुकले होते. मात्र, यावेळी सर्वेशने अपूर्व निश्चय दाखवत भारतीय अॅथलेटिक्सला नवा इतिहास घडविण्याची संधी दिली आहे.
अंतिम फेरीत (Sarvesh)
2023 आशियाई अजिंक्यपद स्पर्धेतील पदक विजेता असलेल्या सर्वेशचे हे आतापर्यंतच्या जागतिक स्पर्धांमधील सर्वोत्तम प्रदर्शन आहे. 2023 मध्ये त्याने 2.22 मीटर उंची नोंदवली होती, ती कामगिरी यंदा टोकियोत पार केलेल्या 2.25 मीटरच्या उंचीने मागे टाकली.आता 16 सप्टेंबरला होणाऱ्या अंतिम फेरीत सर्वेशकडून नवा इतिहास घडण्याची प्रतीक्षा आहे. भारतीय अॅथलेटिक्ससाठी हा क्षण अभिमानाचा असून, नव्या पिढीतील खेळाडूंना मोठी प्रेरणा देणारा ठरणार आहे.
कोण आहेत सर्वेश (Sarvesh)
सर्वेश कुशरेविषयी अधिक माहिती:
सर्वेश अनिल कुशरे यांचा जन्म १७ जून १९९५ रोजी महाराष्ट्रातील नाशिकजवळील देवगाव गावात झाला. ते एक भारतीय उंच उडी खेळाडू (हायजंपर) आहेत. ते भारतीय अॅथलेटिक्समध्ये इतिहास घडवणारे पहिले पुरुष हाय जंपर आहेत ज्यांनी २०२५ मध्ये जागतिक अॅथलेटिक्स अजिंक्यपद स्पर्धेच्या अंतिम फेरीसाठी पात्रता मिळवली. त्यांनी २०२४ मध्ये पॅरिस ऑलिंपिक्समध्ये भारताचा प्रतिनिधित्व केले आहे आणि २०२३ मध्ये आशियाई अॅथलेटिक्स स्पर्धेत कांस्यपदकही जिंकले आहे. Sarvesh कुशरे यांचा खेळाचा प्रवास फारच संघर्षमय आहे. त्यांच्या गावात सुरुवातीला योग्य लँडिंग मॅटचा अभाव होता, त्यामुळे त्यांनी जुनाट पदार्थांचा वापर करून स्वतःसाठी मॅट तयार केला. त्यांच्या शाळेतील शारीरिक शिक्षण प्रशिक्षक राऊसाहेब जाधव यांच्या मार्गदर्शनाखाली त्यांनी हाय जंपचे तंत्रशिकायला सुरूवात केली. त्यांनी सुरुवातीला हायजंपची स्किसर्स शैली वापरली, पण नंतर फॉसबरी फ्लॉप या तंत्रशिकेवर प्रावीण्य मिळवले आणि आज ते जागतिक अॅथलेटिक्स स्पर्धेत उंच उडीमध्ये भारताचे नाव उंच करत आहेत.
(Sarvesh) भारतीय सेनेत सेवा देत आहेत
सर्वेश हे भारतीय सेनेतही आहेत, २०१६ पासून ते भारतीय सेनेत १०१ फील्ड रेजिमेंट मध्ये काम करत आहेत. त्यांनी अनेक राष्ट्रीय आणि आंतरराष्ट्रीय स्पर्धांमध्ये पदके आणि राष्ट्रीय विक्रम केले आहेत. २०१८ मध्ये त्यांनी राष्ट्रीय हाय जंप विक्रम २.२४ मीटर उंची नोंदवला. ते भारतीय अॅथलेटिक्ससाठी प्रेरणादायक व्यक्तिमत्व असून वंचित परिस्थितीतून उच्चतम उंची गाठून युवा खेळाडूंना आशा देत आहेत.
सर्वेशचा हा यशस्वी प्रवास त्याच्या जिद्द, कठोर मेहनत आणि समर्पणाचे उदाहरण आहे, ज्यांच्यामुळे भारताला जागतिक स्तरावर हाय जंपमध्ये पहिल्यांदा एक महत्त्वाचा टप्पा गाठता आला आहे.
या यशामुळे भारतीय अॅथलेटिक्समध्ये नव्या युगाची सुरुवात झाली असून, सर्वेश कुशरेचे आगामी प्रदर्शन विशेषतः १६ सप्टेंबरच्या अंतिम फेरीकडे मोठ्या अपेक्षेने पाहिले जात आहे.
Sarvesh यांच्याबद्दल दूरदर्शन ने समाजमाध्यमावर टाकलेली पोस्ट पाहण्यासाठी येथे क्लिक करा.
आमचे अन्य ब्लॉग पोस्ट :
भारत वि. पाकिस्तान (Ind vs Pak) सामना हस्तांदोलनवादा मुळे चर्चेत !
