भारताची शीतल देवी (Sheetal Devi) ठरली सक्षम (एबल-बॉडीड) आशिया कप संघात पात्र ठरणारी पहिली भारतीय पॅरा आर्चर !

हरियाणातील सोनीपत येथे ६ नोव्हेंबर २०२५ रोजी पार पडलेल्या राष्ट्रीय निवड चाचण्यांमध्ये जम्मू-काश्मीरच्या किश्तवार जिल्ह्यातील १८ वर्षीय शीतल देवीने (Sheetal Devi) तृतीय क्रमांक पटकावला असून, यामुळे ती भारताच्या ज्युनियर सक्षम आर्चरी संघात स्थान मिळवणारी पहिली पॅरा खेळाडू ठरली आहे. तिची निवड डिसेंबर १० ते १५ दरम्यान सौदी अरेबियातील जेद्दाह येथे होणाऱ्या आशिया कप (स्टेज ३) स्पर्धेसाठी झाली आहे. जन्मतः हात नसलेल्या (फोकोमेलिया) शीतल देवी आपले पाय वापरून धनुष्यबाण सोडते. तिने २०२४ मधील पॅरिस वर्ल्ड पॅरा आर्चरी चॅम्पियनशिपमध्ये सुवर्ण पदक जिंकले होते. या वेळच्या निवड चाचणीत तिने कोणत्याही पॅरा-सुविधांशिवाय ६८२ गुण मिळवून आपली पात्रता सिद्ध केली. हा टप्पा भारतीय क्रीडा क्षेत्रात समावेशकतेचा आणि दृढ निश्चयाचा नवा अध्याय मानला जात आहे. तिच्या या यशानंतर देशभरातून शुभेच्छांचा वर्षाव झाला आहे.

Sheetal Devi च्या या यशाबद्दल कौतुक आणि शुभेच्छांचा वर्षाव

समाज माध्यमांवर सध्या शितल देवीवर कौतुकाचा वर्षाव होत आहे. पॅरा आर्चरी स्टार शितल (Sheetal Devi) यांची भारताच्या सक्षम ज्युनियर संघात निवड होऊन एक नवा इतिहास रचला गेला आहे. तिच्या या कामगिरीमुळे संपूर्ण देशभरातून शुभेच्छांचा आणि अभिनंदनाचा ओघ सुरू आहे. जम्मू-काश्मीरहून सुरू झालेला तिचा प्रवास आज जागतिक मंचावर पोहोचला आहे. अनेक नामवंत व्यक्तींनी आणि क्रीडाप्रेमींनी शितलच्या जिद्दीचे आणि मेहनतीचे कौतुक करत तिला आगामी आशिया कप स्पर्धेसाठी शुभेच्छा दिल्या आहेत.

अमिताभ बच्चन यांच्या ‘कौन बनेगा करोड़पती’ कार्यक्रमात शितलने व्यक्त केली होती इच्छा

पॅरा आर्चरी विश्वविजेत्या शितल देवीने (Sheetal Devi) पुन्हा एकदा इतिहास घडवला आहे. गेल्या वर्षी अमिताभ बच्चन यांच्या ‘कौन बनेगा करोड़पती’ कार्यक्रमात शितलने व्यक्त केलेली इच्छा—सक्षमीकरण खेळाडूंसोबत स्पर्धा करण्याची—आता वास्तवात उतरली आहे. ती भारताच्या सक्षम ज्युनियर आर्चरी संघात निवड मिळवणारी पहिलीच पॅरा खेळाडू ठरली आहे. या यशाने संपूर्ण देशभरात अभिमानाची आणि आनंदाची लहर उसळली आहे. ऑलिम्पिक गोल्ड क्वेस्टचे वीरन रस्किन्हा आणि क्रीडा विश्लेषक जॉय भट्टाचार्य यांनी शितलच्या जिद्दीचे आणि कामगिरीचे कौतुक करत तिला प्रोत्साहन दिले आहे. आपल्या हातांशिवायही अटळ इच्छाशक्तीच्या बळावर शितलने दाखवून दिले की स्वप्ने कितीही मोठी असली तरी मेहनत आणि आत्मविश्वासाने ती पूर्ण होऊ शकतात.

आनंद महिन्द्रां म्हणाले तू आमच्यापेक्षा जास्त सक्षम आहेस तू भारताचा अभिमान आहेस.

भारताचे प्रसिद्ध व्यावसायिक व्यवसायिक आनंद महिंद्रा यांनी ट्विट करून लिहिले, “शीतल, मला कधीही शंका नव्हती की तू ‘एबल-बॉडीड’ आहेस. उलट, तू आमच्यापेक्षा जास्त सक्षम आहेस. आणि तुझं मन सर्वात शक्तिशाली आहे. तू भारताचा अभिमान आहेस.”शीतल देवीनेही समाजमाध्यमावर भावना व्यक्त करत लिहिले, “जेव्हा मी स्पर्धा सुरू केली तेव्हा माझं छोटं स्वप्न होतं — सक्षम खेळाडूंसोबत स्पर्धा करायचं आणि पदक जिंकायचं. सुरुवातीला जमलं नाही, पण प्रयत्न सुरू ठेवले, प्रत्येक अपयशातून शिकले. आज त्या स्वप्नाच्या जवळ एक पाऊल टाकलं आहे.”

(Sheetal Devi) यांच्या या अभूतपूर्व यशामुळे ती देशभरातील युवक-युवतींसाठी प्रेरणास्थान ठरली आहे.

समाज माध्यम साईट “x” वरील प्रतिक्रियांसाठी येथे क्लिक करा.

आमचे अन्य ब्लॉगपोस्ट:

बातमी न्यूज.

आशियाई युवा कुस्ती स्पर्धेत देशासाठी “सुवर्णपदक” जिंकणारा सनी (Sunny) राहतो झोपडीत !