महाराष्ट्राच्या राजकारणात ऐतिहासिक घडामोड घडली असून (Sunetra Pawar) सुनेत्रा अजित पवार यांनी राज्याच्या उपमुख्यमंत्रीपदाची शपथ घेतली आहे. त्या महाराष्ट्राच्या पहिल्या महिला उपमुख्यमंत्री ठरल्या आहेत. दिवंगत अजितदादा पवार यांच्या अकाली निधनानंतर त्यांच्या विचारांचा वारसा पुढे नेण्याची जबाबदारी सुनेत्रा पवार यांनी स्वीकारली आहे. त्यांच्या नियुक्तीवर पंतप्रधान नरेंद्र मोदी यांनीही शुभेच्छा देत विश्वास व्यक्त केला आहे की त्या राज्यातील जनतेच्या कल्याणासाठी अथक परिश्रम करतील. पंतप्रधान नरेंद्र मोदी यांनी आपल्या अधिकृत सोशल मीडिया हँडलवरून संदेश देताना लिहिले, “महाराष्ट्राच्या पहिल्या महिला उपमुख्यमंत्री म्हणून कार्यकाळ सुरू करणाऱ्या सुनेत्रा पवार जी यांना शुभेच्छा. मला विश्वास आहे की त्या राज्यातील जनतेच्या कल्याणासाठी अथक परिश्रम करतील आणि दिवंगत अजितदादा पवार यांचे स्वप्न पुढे नेतील.” या संदेशामुळे सुनेत्रा पवार यांच्या नेतृत्वावर राष्ट्रीय पातळीवरही विश्वास व्यक्त झाल्याचे दिसून येते.
(Sunetra Pawar) सुनेत्रा पवार यांचा भावनात्मक संदेश
दरम्यान, सुनेत्रा पवार (Sunetra Pawar) यांनीही आपल्या भावनिक संदेशात अजितदादांच्या विचारांचा वारसा जपण्याची शपथ घेतली आहे. त्यांनी म्हटले आहे, “आदरणीय अजितदादांनी आयुष्यभर शेतकरी, कष्टकरी, महिला, युवक आणि वंचित घटकांसाठी जगण्याचा मंत्र दिला. आज त्यांच्या विचारांचा वारसा पुढे नेत ‘शिव-शाहू-फुले-आंबेडकर’ यांच्या विचारांवर निष्ठा ठेवून कर्तव्य भावनेने उपमुख्यमंत्री पदाची जबाबदारी स्वीकारताना मन अक्षरशः भरून येत आहे.” त्यांनी पुढे लिहिले की, अजितदादांच्या अकाली जाण्यामुळे मनावर दुःखाचा डोंगर कोसळला असला तरी त्यांनी शिकवलेली कर्तव्यनिष्ठा आणि जनतेप्रतीची बांधिलकी हाच त्यांचा खरा आधार आहे.
नवीन मंत्रिमंडळ विभाग वाटपानुसार सुनेत्रा पवार (Sunetra Pawar) यांच्याकडे राज्य उत्पादन शुल्क (State Excise), क्रीडा व युवक कल्याण (Sports and Youth Welfare), अल्पसंख्याक विकास व औकाफ (Minorities Development & Aukaf) ही महत्त्वाची खाती सोपविण्यात आली आहेत. ही खाती सामाजिक, युवकवर्ग आणि विविध घटकांच्या विकासाशी निगडित असल्याने त्यांच्या कार्यपद्धतीकडे सर्वांचे लक्ष लागले आहे.
नियोजन (Planning) आणि अर्थ (Finance) खाती मुख्यमंत्र्यांकडे
दिवंगत अजित पवार यांच्या निधनानंतर त्यांच्या ताब्यात असलेली नियोजन (Planning) आणि अर्थ (Finance) ही राज्यातील अत्यंत महत्त्वाची खाती आता थेट मुख्यमंत्री देवेंद्र फडणवीस यांच्या कार्यभारात देण्यात आली आहेत. या निर्णयामुळे राज्याच्या विकास आराखड्यांपासून ते अर्थसंकल्पीय धोरणांपर्यंतची सर्व सूत्रे मुख्यमंत्री पातळीवरूनच नियंत्रित केली जाणार आहेत. नियोजन खात्यामार्फत विविध विभागांच्या दीर्घकालीन विकास योजना, निधीचे प्राधान्यक्रम, पायाभूत सुविधांचे आराखडे आणि जिल्हानिहाय विकासाचा वेग निश्चित केला जातो, तर अर्थ खात्याद्वारे राज्याचा महसूल, खर्च, अर्थसंकल्पीय तरतुदी, कर्जव्यवस्थापन आणि आर्थिक शिस्त यांचे नियमन केले जाते. ही दोन्ही खाती एकत्रितपणे मुख्यमंत्र्यांकडे आल्याने निर्णय प्रक्रियेत वेग, धोरणांमध्ये समन्वय आणि अंमलबजावणीत सुसूत्रता येण्याची अपेक्षा व्यक्त होत आहे. राज्याच्या आर्थिक धोरणांमध्ये सातत्य राखत विकासकामांना चालना देण्यासाठी हा निर्णय महत्त्वाचा ठरणार असल्याचे राजकीय व प्रशासकीय वर्तुळात मानले जात आहे.
प्रथम महिला उपमुख्यमंत्री सुनेत्रा अजित पवार (Sunetra Pawar)
राज्याच्या राजकारणात ऐतिहासिक क्षण नोंदवला गेला असून श्रीमती सुनेत्रा पवार (Sunetra Pawar) यांनी महाराष्ट्राच्या प्रथम महिला उपमुख्यमंत्री म्हणून शपथ घेतली आहे. या शपथविधी सोहळ्याने राज्यात महिलांच्या नेतृत्वाला नवे बळ मिळाल्याची भावना व्यक्त होत आहे. दिवंगत अजितदादा पवार यांच्या विचारांचा आणि कार्याचा वारसा पुढे नेण्याची जबाबदारी स्वीकारत सुनेत्रा पवार यांनी उपमुख्यमंत्रीपदाची धुरा सांभाळली. त्यांच्या शपथविधीनंतर पंतप्रधान नरेंद्र मोदी यांनीही सोशल मीडियाच्या माध्यमातून त्यांना शुभेच्छा देत राज्यातील जनतेच्या कल्याणासाठी त्या अथक परिश्रम करतील, असा विश्वास व्यक्त केला. या शुभेच्छांमुळे त्यांच्या नेतृत्वावर राष्ट्रीय पातळीवरही विश्वास असल्याचे अधोरेखित झाले. सुनेत्रा पवार यांच्या नियुक्तीमुळे महाराष्ट्राच्या प्रशासनात नवे पर्व सुरू झाल्याचे मानले जात असून, न्यायप्रिय, समताधिष्ठित आणि विकासाभिमुख महाराष्ट्र घडवण्याचा त्यांचा निर्धार या शपथविधीतून स्पष्ट झाला.
या कठीण काळात महाराष्ट्रातील जनतेने दिलेले प्रेम आणि विश्वास हेच आपले बळ असल्याचे सांगत सुनेत्रा पवार यांनी न्यायप्रिय, समताधिष्ठित आणि विकसित महाराष्ट्र घडवण्यासाठी प्रामाणिकपणे काम करण्याचा निर्धार व्यक्त केला आहे. त्यांच्या या भूमिकेमुळे राज्याच्या राजकारणात एक नवा अध्याय सुरू झाल्याचे मानले जात आहे.
श्रीमती सुनेत्रा पवार यांची समाज माध्यमावरील प्रतिक्रिया वाचण्यासाठी येथे क्लिक करा.
आमचे अन्य ब्लॉगपोस्ट :
