भारतीय नौदलात सामील होणार अत्याधुनिक स्टेल्थ फ्रिगेट्स ‘उदयगिरी’ Udaygiri व ‘हिमगिरी’ Himgiri

26 ऑगस्ट 2025 रोजी भारतीय नौदल एक ऐतिहासिक टप्पा गाठणार आहे. याच दिवशी दोन अत्याधुनिक फ्रंटलाइन स्टेल्थ फ्रिगेट्स – Udaygiri उदयगिरी (F35) व हिमगिरी (F34) – यांचे एकत्र कमिशनिंग होणार आहे. देशातील दोन प्रतिष्ठित शिपयार्ड्समधून बनलेल्या या दोन प्रमुख सरफेस कॉम्बॅटंट्सना एकाच वेळी नौदलात सामील करण्याचा हा पहिलाच प्रसंग ठरणार आहे.हा सोहळा भारतीय नौदलाच्या जलदगतीने होत असलेल्या आधुनिकीकरणाचा आणि देशातील एकापेक्षा अधिक शिपयार्ड्समधून उच्च तंत्रज्ञानयुक्त युद्धनौका तयार करण्याच्या क्षमतेचा पुरावा आहे. हे यश ‘मेक इन इंडिया’ व ‘आत्मनिर्भर भारत’ मोहिमांच्या संरक्षण क्षेत्रातील ठोस यशाचे द्योतक आहे.

उदयगिरी- Udaygiri ही प्रोजेक्ट 17A अंतर्गत तयार होणारी दुसरी स्टेल्थ फ्रिगेट असून तिचे बांधकाम मुंबईतील मझगाव डॉक शिपबिल्डर्स लिमिटेड (MDL) येथे झाले आहे. “हिमगिरी ही प्रोजेक्ट 17A अंतर्गत गार्डन रीच शिपबिल्डर्स अँड इंजिनिअर्स (GRSE), कोलकाता येथे साकारलेली पहिली फ्रिगेट आहे.” विशेष म्हणजे, उदयगिरी हे नौदलाच्या वॉरशिप डिझाईन ब्युरोद्वारे डिझाईन केलेले 100वे जहाज आहे.

Udaygiri आणि Himgiri अत्याधुनिक, बहुउपयोगी व स्वदेशी डिझाईन

P17A श्रेणीतील सुमारे 6,700 टन वजनाच्या Udaygiri आणि Himgiri या जहाजांचा आकार पूर्वीच्या शिवालिक-श्रेणी फ्रिगेट्सपेक्षा सुमारे 5% मोठा असला, तरी त्यांची रचना अधिक आकर्षक व प्रवाही आहे आणि रडार क्रॉस सेक्शन कमी करण्यासाठी अत्याधुनिक तंत्रज्ञानाचा वापर करण्यात आला आहे.

त्यांचा शस्त्रसाठा प्रभावी असून त्यात सुपरसॉनिक सरफेस-टू-सरफेस क्षेपणास्त्रे, मिडियम रेंज सरफेस-टू-एअर क्षेपणास्त्रे, 76 मिमी MR गन, 30 मिमी व 12.7 मिमी क्लोज-इन वेपन सिस्टीम्स तसेच पाणबुडीविरोधी व पाण्याखालील शस्त्रसंपदा यांचा समावेश आहे. या दोन्ही जहाजांच्या निर्मितीत 200 हून अधिक MSMEs चा सहभाग असून, सुमारे 4,000 थेट व 10,000 अप्रत्यक्ष रोजगार निर्मिती झाली आहे.

उदयगिरी आणि हिमगिरी म्हणजे स्वावलंबनाचा अभिमान

उदयगिरी आणि हिमगिरी यांचे कमिशनिंग नौदलाच्या जहाज डिझाईन व बांधकामातील आत्मनिर्भरतेला अधोरेखित करते. यावर्षी नौदलाच्या ताफ्यात आधीच INS सुरत (डिस्ट्रॉयर), INS निलगिरी (फ्रिगेट), INS वाघशीअर (पाणबुडी), INS अर्नाळा (ASW शॅलो वॉटर क्राफ्ट) आणि INS निस्तार (डायव्हिंग सपोर्ट व्हेसल) अशी स्वदेशी जहाजे यशस्वीरित्या सामील झाली आहेत.

विशाखापट्टणम येथे होणारा हा सोहळा केवळ नौदलाचा परंपरागत कार्यक्रम न राहता भारताच्या सशक्त व आत्मनिर्भर सागरी संरक्षण व्यवस्थेचा उत्सव ठरेल. जेव्हा या दोन राखाडी जहाजांचे नौदल ताफ्यात स्वागत होईल, तेव्हा संदेश स्पष्ट असेल – भारताच्या सागरी सीमा आता भारतात डिझाईन, भारतात बांधलेल्या आणि भारतीय नौसैनिकांनी चालवल्या जाणाऱ्या जहाजांनी संरक्षित आहेत – ‘मेक इन इंडिया’चे खरे प्रतीक आणि वाढत्या सागरी शक्तीचे द्योतक.

उदयगिरी आणि हिमगिरी बद्दल समाज माध्यमावरील प्रतिक्रिया.

आमचे अन्य ब्लॉगपोस्ट :

पोलीस व सैन्य भरतीपूर्व प्रशिक्षणासाठी (Barti) बार्टीतर्फे ऑनलाईन अर्जाची संधी