Kedarnath, Uttarakhand – देशातील बहुतांश भागात सध्या प्रचंड उष्णतेची लाट जाणवत आहे. महाराष्ट्र, दिल्ली, राजस्थान आणि मध्य प्रदेश या राज्यांमध्ये तापमान 40 अंश सेल्सिअसच्या पुढे गेले असून नागरिक उकाड्याने हैराण झाले आहेत. दुपारच्या वेळेत रस्ते ओस पडत असून उष्माघाताचा धोका वाढला आहे. हवामान खात्याने नागरिकांना घराबाहेर पडताना काळजी घेण्याचा सल्ला दिला आहे.दरम्यान, याच काळात देशाच्या उत्तरेकडील डोंगराळ भागातील उत्तराखंडच्या प्रसिद्ध केदारनाथ मध्ये पूर्णपणे उलट परिस्थिती पाहायला मिळत आहे. केदारनाथ धाम परिसरात सलग होत असलेल्या मुसळधार हिमवृष्टीमुळे संपूर्ण केदारनाथ नगरी जाड बर्फाच्या थराखाली झाकली गेली आहे. एप्रिल महिन्यातही अशी बर्फवृष्टी होत असल्याने स्थानिक प्रशासन आणि यात्रेच्या तयारीत गुंतलेल्या यंत्रणांसमोर मोठे आव्हान निर्माण झाले आहे.
Uttarakhand – (Kedarnath) केदारनाथ मंदिराचे दरवाजे कधी उघडणार ?
केदारनाथ मंदिराचे दरवाजे 22 एप्रिल रोजी उघडण्याचे नियोजन आहे. मात्र सध्या सुरू असलेली बर्फवृष्टी यासाठी सुरू असलेल्या स्वच्छता, दुरुस्ती आणि बांधकाम कामांमध्ये अडथळा आणत आहे. बर्फ साचल्यामुळे रस्ते बंद झाले असून कामगारांना काम करणे कठीण झाले आहे. त्यामुळे यात्रेच्या तयारीचा वेग मंदावला आहे.हवामान विभागाने पुढील काही दिवसांतही पावसासह गारपीट आणि बर्फवृष्टीची शक्यता व्यक्त केली आहे. त्यामुळे प्रशासन सतर्क झाले असून यात्रेपूर्वी आवश्यक व्यवस्था पूर्ण करण्यासाठी विशेष प्रयत्न केले जात आहेत.
एकीकडे देशात उष्णतेचा कहर आणि दुसरीकडे हिमवृष्टीचा प्रकोप — या दोन टोकाच्या हवामान परिस्थितींमुळे भारतातील विविध भागांतील हवामानातील तीव्र बदल स्पष्टपणे दिसून येत आहेत.
समाज माध्यमावरील प्रतीकीयेसाठी येथे क्लिक करा.
आमचे अन्य ब्लॉगपोस्ट :
