अमेरिकेचे राष्ट्राध्यक्ष डोनाल्ड ट्रम्प यांनी जाहीर केले आहे की अमेरिकेने (Venezuela) व्हेनेझुएलाच्या राजधानी काराकस येथे मोठ्या प्रमाणात लष्करी कारवाई करून राष्ट्रपती निकोलस मादुरो आणि त्यांच्या पत्नीला अटक केली आहे. अमेरिकेच्या शस्त्रबळांनी हवाई, जमीनी व नौदलाद्वारे हल्ला चढवून ही मोहीम यशस्वीरीत्या पूर्ण केल्याचे ट्रम्प यांनी सांगितले. राष्ट्राध्यक्ष ट्रम्प म्हणाले, “काल रात्री आणि आज पहाटे, माझ्या आदेशानुसार अमेरिकेच्या सशस्त्र दलांनी व्हेनेझुएलाच्या राजधानीत एक अभूतपूर्व लष्करी मोहिम राबवली. दुसऱ्या महायुद्धानंतर इतक्या मोठ्या प्रमाणावरचा हल्ला पाहिला गेलेला नाही. हा हल्ला एक मजबूत सैनिकी किल्ल्यावर होता, ज्यातून गुन्हेगार हुकूमशहा निकोलस मादुरो यांना न्यायाच्या कचाट्यात आणण्यात आले.” व्हाइट हाऊसने प्रसिद्ध केलेल्या निवेदनात म्हटले आहे की या कारवाईत अमेरिकन कायदा अंमलबजावणी यंत्रणाही सहभागी होती. मादुरो आणि त्यांची पत्नी यांना व्हेनेझुएलातून विमानाद्वारे बाहेर नेण्यात आले असून अधिक तपशील राष्ट्राध्यक्ष ट्रम्प आज सकाळी ११ वाजता मार-आ-लागो येथे होणाऱ्या पत्रकार परिषदेत देणार आहेत.
Venezuela व्हेनेझुएलातील परिस्थिती लक्षात घेऊन भारत सरकारने आपल्या नागरिकांना सावधानतेचा इशारा
दरम्यान, व्हेनेझुएलातील परिस्थिती लक्षात घेऊन भारत सरकारने आपल्या नागरिकांना सावध राहण्याचे आवाहन केले आहे. भारतीय दूतावास, काराकस यांनी जारी केलेल्या सूचनेत म्हटले आहे की भारतीय नागरिकांनी सध्यातरी व्हेनेझुएला प्रवास टाळावा. तसेच जे भारतीय सध्या तेथे आहेत त्यांनी अत्यंत खबरदारी बाळगावी, हालचाली मर्यादित ठेवाव्यात आणि स्थानिक भारतीय दूतावासाशी संपर्कात राहावे.
दूतावासाचा आपत्कालीन संपर्क क्रमांक व ईमेल खालीलप्रमाणे आहेत:
cons.caracas@mea.gov.in
+58-412-9584288 (व्हॉट्सअॅपवरही उपलब्ध)
आमचे अन्य ब्लॉग पोस्ट :
व्हाईट हाउस ची समाज माध्यमावरील प्रतिक्रियांसाठी येथे क्लिक करा.
