मुंबई, २२ जुलै २०२६: महाराष्ट्र लोकसेवा आयोगाने (MPSC) महाराष्ट्र गट-क सेवा संयुक्त पूर्व परीक्षा २०२६ संदर्भात महत्त्वाचे शुद्धीपत्रक प्रसिद्ध केले आहे. या शुद्धीपत्रकानुसार भरती प्रक्रियेत काही नवीन पदांचा ग्राम महसूल अधिकारी (तलाठी), राज्य ग्राहक तक्रार निवारण आयोगातील वरिष्ठ अभिलेखपाल / वरिष्ठ लिपिक / अभिलेखपाल, सहायक अधीक्षक, सहायक मत्स्यव्यवसाय विकास अधिकारी (तांत्रिक), लिपिक-टंकलेखक (विविध विभाग), लिपिक-टंकलेखक (नोंदणी व मुद्रांक विभाग) इत्यादी एकूण ३०८८ नवीन जागा समाविष्ट करण्यात आल्या असून अर्ज करण्यासाठी उमेदवारांना मुदतवाढही देण्यात आली आहे. त्यामुळे स्पर्धा परीक्षेची तयारी करणाऱ्या हजारो उमेदवारांना दिलासा मिळाला आहे.
MPSC भरतीत कोणते बदल करण्यात आले?
आयोगाने २५ जून २०२६ रोजी जाहिरात प्रसिद्ध केली होती. त्यानंतर १५ जुलै २०२६ रोजी जारी करण्यात आलेल्या शुद्धीपत्रकानुसार महाराष्ट्र शासनाच्या विविध विभागांकडून प्राप्त अतिरिक्त मागणीपत्रांचा विचार करून नव्या संवर्गांचा भरती प्रक्रियेत समावेश करण्यात आला आहे. तसेच परीक्षा पूर्वनियोजित वेळापत्रकानुसार २५ ऑक्टोबर २०२६ रोजी ऑफलाइन (OMR आधारित) पद्धतीनेच घेतली जाणार आहे.
MPSCएकूण ३०८८ पदांसाठी भरती
या शुद्धीपत्रकानुसार विविध विभागांतील खालील पदांचा समावेश करण्यात आला आहे.
- ग्राम महसूल अधिकारी (तलाठी), गट-क – १५२३ पदे
- राज्य ग्राहक तक्रार निवारण आयोगातील वरिष्ठ अभिलेखपाल / वरिष्ठ लिपिक / अभिलेखपाल – ११ पदे
- सहायक अधीक्षक – ११ पदे
- सहायक मत्स्यव्यवसाय विकास अधिकारी (तांत्रिक) – २५४ पदे
- लिपिक-टंकलेखक (विविध विभाग) – २३०, १५५, ६२ आणि ४८० पदे
- लिपिक-टंकलेखक (नोंदणी व मुद्रांक विभाग) – ३३२ पदे
MPSC
या सर्व पदांसह भरतीसाठी एकूण ३०८८ रिक्त जागा उपलब्ध करण्यात आल्या आहेत.
पात्रतेत काय विशेष?
शुद्धीपत्रकानुसार विविध पदांसाठी आवश्यक शैक्षणिक पात्रता पुढीलप्रमाणे आहे.
- ग्राम महसूल अधिकारी पदासाठी कोणत्याही मान्यताप्राप्त विद्यापीठाची पदवी.
- सहायक मत्स्यव्यवसाय विकास अधिकारी पदासाठी मत्स्यविज्ञान विषयातील पदवी (B.F.Sc.).
- लिपिक-टंकलेखक पदांसाठी पदवीसह जाहिरातीत नमूद केलेली टंकलेखन पात्रता आवश्यक.
- काही पदांसाठी कमाल वयोमर्यादेत शासन नियमानुसार सवलत लागू राहणार आहे.
MPSC अर्ज करण्याची मुदत वाढली
उमेदवारांना अर्ज करण्यासाठी अतिरिक्त वेळ देण्यात आला आहे.
- ऑनलाइन अर्ज करण्याची अंतिम तारीख : ०५ ऑगस्ट २०२६, रात्री ११:५९ वाजेपर्यंत
- परीक्षा शुल्क भरण्याची अंतिम तारीख : ०६ ऑगस्ट २०२६, रात्री ११:५९ वाजेपर्यंत
परीक्षा शुल्क केवळ ऑनलाइन माध्यमातून (डेबिट कार्ड, क्रेडिट कार्ड, नेट बँकिंग किंवा UPI) भरावे लागणार आहे.
पूर्वी अर्ज न केलेल्यांसाठी मोठी संधी
आयोगाने स्पष्ट केले आहे की, नव्याने समाविष्ट करण्यात आलेल्या पदांसाठी किंवा पूर्वी जाहिरातीत पद उपलब्ध नसल्यामुळे अर्ज न करू शकलेल्या उमेदवारांना आता अर्ज करण्याची संधी दिली जात आहे. मात्र, यापूर्वी संधी गमावल्याबाबत नंतर कोणतीही तक्रार विचारात घेतली जाणार नाही.
परीक्षा वेळापत्रकात बदल नाही
शुद्धीपत्रकात स्पष्ट करण्यात आले आहे की, पूर्व परीक्षेची तारीख बदललेली नाही. महाराष्ट्र गट-क सेवा संयुक्त पूर्व परीक्षा २०२६ ही २५ ऑक्टोबर २०२६ रोजी ऑफलाइन OMR पद्धतीने आयोजित केली जाणार आहे.
उमेदवारांसाठी महत्त्वाचा सल्ला
ज्या उमेदवारांनी अद्याप अर्ज केलेला नाही त्यांनी मुदतवाढीचा लाभ घ्यावा. अर्ज करण्यापूर्वी संबंधित पदाची शैक्षणिक पात्रता, वयोमर्यादा, टंकलेखन अर्हता (लागू असल्यास) आणि आवश्यक कागदपत्रांची खात्री करूनच अर्ज भरावा. तसेच परीक्षा शुल्क अंतिम तारखेपूर्वी ऑनलाइन भरल्याची खात्री करणे आवश्यक आहे.
अधिकृत शुद्धीपत्रकासाठी येथे क्लिक करा.
अधिकृत वेबसाईटसाठी येथे क्लिक करा.
आमचे अन्य ब्लॉगपोस्ट :
