देशाच्या राजकारणात मोठी उलथापालथ घडवणारी घटना समोर आली आहे. आम आदमी पक्ष (AAP) च्या राज्यसभेतील १० खासदारांपैकी Raghav Chaddha सहित दोन-तृतीयांशपेक्षा अधिक खासदारांनी भारतीय जनता पक्ष (BJP) मध्ये विलय करण्याचा निर्णय घेतल्याची घोषणा करण्यात आली आहे. या निर्णयामुळे राष्ट्रीय राजकारणात खळबळ उडाली असून “आप” साठी हा मोठा राजकीय धक्का मानला जात आहे. “आप” चे राज्यसभा खासदार राघव चड्ढा यांनी पत्रकार परिषदेत सांगितले की, “राज्यसभेत आमचे एकूण १० खासदार आहेत. त्यापैकी दोन-तृतीयांशपेक्षा अधिक खासदार या निर्णयात आमच्यासोबत आहेत. त्यांनी अधिकृतपणे स्वाक्षरी केलेली पत्रे आम्ही आज सकाळी राज्यसभा अध्यक्ष यांच्याकडे सादर केली आहेत.” या निर्णयाला समर्थन देणाऱ्या खासदारांमध्ये संदीप पाठक, अशोक मित्तल यांच्यासह माजी क्रिकेटपटू हरभजन सिंग, उद्योगपती राजिंदर गुप्ता, विक्रम साहनी आणि सामाजिक कार्यकर्त्या स्वाती माळीवाल यांचा समावेश असल्याचे त्यांनी स्पष्ट केले. दरम्यान, या घडामोडींनंतर “आप” चे काही प्रमुख नेते थेट भाजप मुख्यालयात दाखल झाले. राघव चड्ढा, संदीप पाठक आणि अशोक मित्तल यांनी भाजपचे राष्ट्रीय अध्यक्ष नितीन नबिन यांची भेट घेतली. या भेटीनंतर विलय प्रक्रियेला अधिकृत स्वरूप मिळाल्याचे संकेत मिळत आहेत.
AAP खासदारांची कायदेशीर प्रक्रिया आणि महत्त्व
भारताच्या संविधानानुसार आणि पक्षांतरविरोधी कायद्यानुसार (Anti-Defection Law), एखाद्या पक्षातील किमान दोन-तृतीयांश सदस्यांनी एकत्रितपणे दुसऱ्या पक्षात विलय केल्यास तो वैध मानला जातो. त्यामुळे “आप” च्या राज्यसभेतील या निर्णयाला कायदेशीर मान्यता मिळण्याची शक्यता आहे.
AAP साठी मोठा धक्का
हा निर्णय “आप” साठी अत्यंत गंभीर मानला जात आहे. दिल्ली आणि पंजाबमध्ये मजबूत स्थिती असलेल्या पक्षाच्या राष्ट्रीय पातळीवरील ताकदीवर याचा परिणाम होऊ शकतो. विशेषतः राज्यसभेत “आप” ची उपस्थिती कमी होणे हे धोरणात्मकदृष्ट्या मोठे नुकसान मानले जात आहे.
(BJP) भाजपची ताकद वाढणार
या विलयामुळे भाजपची राज्यसभेतील ताकद आणखी वाढणार आहे. आगामी विधेयके, धोरणे आणि राजकीय समीकरणांमध्ये भाजपला याचा थेट फायदा होऊ शकतो.
राजकीय प्रतिक्रिया अपेक्षित
या घडामोडींवर अद्याप “आप” च्या सर्वोच्च नेतृत्वाकडून अधिकृत प्रतिक्रिया आलेली नसली, तरी येत्या काही तासांत मोठी राजकीय प्रतिक्रिया उमटण्याची शक्यता आहे. विरोधी पक्षांकडूनही या निर्णयावर टीका किंवा समर्थनाची भूमिका स्पष्ट होण्याची शक्यता आहे.
समाज माध्यमावरील प्रतिक्रियेसाठी येह्त क्लिक करा.
आमचे अन्य ब्लॉगपोस्ट :
