नवी दिल्ली : देशातील विविध भागांमध्ये तापमान सातत्याने वाढत असून (Heat Wave) उष्णतेच्या लाटेमुळे सामान्य जनजीवन विस्कळीत होत आहे. या पार्श्वभूमीवर केंद्र सरकारने परिस्थितीचा आढावा घेत तातडीच्या उपाययोजनांवर भर दिला आहे. केंद्रीय मंत्री Ashwini Vaishnaw यांनी दिलेल्या माहितीनुसार, (PM Modi) पंतप्रधान Narendra Modi यांच्या मार्गदर्शनाखाली सर्व मंत्रालयांमध्ये समन्वय साधून नागरिकांच्या सुरक्षिततेसाठी विविध उपाययोजनांवर चर्चा करण्यात आली. दिल्लीमध्ये माध्यमांशी बोलताना अश्विनी वैष्णव म्हणाले की, “देशातील उष्णतेची सद्यस्थिती सर्व मंत्र्यांसोबत चर्चिली गेली. पंतप्रधानांनी नागरिकांना केलेल्या आवाहनानंतर प्रत्येक मंत्रालयाने आपल्या कार्यक्षेत्रात कोणती पावले उचलता येतील, यावर सविस्तर चर्चा झाली. आरोग्य मंत्रालय, जलसंपदा विभाग तसेच इतर संबंधित क्षेत्रांमध्ये नागरिकांना दिलासा देण्यासाठी आणि त्यांची सुरक्षितता सुनिश्चित करण्यासाठी कोणत्या सुविधा उपलब्ध करून देता येतील, यावर विचारमंथन झाले.” ते पुढे म्हणाले की, “पंतप्रधानांनी स्पष्टपणे सांगितले आहे की, अशा मोठ्या संकटांचा सामना करताना संपूर्ण देशाने ‘Whole-of-the-Nation’ या भावनेने एकत्र येणे आवश्यक आहे.”
(PM Modi) पंतप्रधान मोदींचे नागरिकांना Heat Wave बाबत आवाहन
दरम्यान, (PM Modi) पंतप्रधान नरेंद्र मोदी यांनी सोशल मीडिया प्लॅटफॉर्मवरून नागरिकांना सतर्कतेचे आणि संवेदनशीलतेचे आवाहन केले आहे. त्यांनी म्हटले की, “देशातील अनेक भागांमध्ये प्रचंड उष्णता जाणवत आहे. या कठीण परिस्थितीत नागरिकांनी स्वतःची विशेष काळजी घ्यावी. घराबाहेर पडताना पुरेसे पाणी जवळ ठेवावे आणि शरीर हायड्रेट ठेवावे.”
- पंतप्रधानांनी समाजातील परस्पर सहकार्याचे महत्त्व अधोरेखित करत म्हटले की, “एखाद्या तहानलेल्या व्यक्तीला पाण्याचा ग्लास देणे हीसुद्धा मोठी मदत ठरू शकते. अनेक लोक आपल्या घराबाहेर किंवा दुकानांसमोर पाण्याची व्यवस्था करत आहेत, त्यांचे मी कौतुक करतो.”
- ज्येष्ठ नागरिकांच्या आरोग्याबाबतही त्यांनी चिंता व्यक्त केली. “आई-वडील, आजी-आजोबा आणि इतर ज्येष्ठ नातेवाईकांची नियमित चौकशी करा. त्यांना भरपूर पाणी पिण्याचा सल्ला द्या, दुपारच्या तीव्र उन्हात बाहेर पडणे टाळण्यास सांगा आणि पुरेशी विश्रांती घेण्याची आठवण करून द्या,” असे मोदी यांनी म्हटले.
- यासोबतच पंतप्रधानांनी पक्षी आणि प्राण्यांचीही काळजी घेण्याचे आवाहन केले. त्यांनी नागरिकांना घराबाहेर, गच्चीवर, बाल्कनीत किंवा दुकानासमोर पाण्याची छोटी भांडी ठेवण्याचे आवाहन करत सांगितले की, “या प्रखर उष्णतेत तहानलेल्या पक्ष्यांसाठी पाण्याचे भांडे जीवनदायी ठरू शकते.”
- देशातील अनेक राज्यांमध्ये तापमान ४० अंश सेल्सिअसच्या पुढे गेले असून हवामान विभागाने पुढील काही दिवस उष्णतेची लाट कायम राहण्याचा इशारा दिला आहे. त्यामुळे केंद्र आणि राज्य प्रशासनाने नागरिकांना अनावश्यक बाहेर पडणे टाळण्याचे, हलका आहार घेण्याचे आणि पुरेसे पाणी पिण्याचे आवाहन केले आहे.
आरोग्य तज्ज्ञांच्या मते, उष्माघात, निर्जलीकरण आणि थकवा यांसारख्या समस्या वाढण्याची शक्यता असल्याने विशेष काळजी घेणे गरजेचे आहे. लहान मुले, ज्येष्ठ नागरिक आणि बाहेर काम करणारे कामगार हे सर्वाधिक धोक्यात असल्याचेही तज्ज्ञांनी नमूद केले आहे.
समाज माध्यमावरील प्रतिक्रियेसाठी येथे क्लिक करा.
आमचे अन्य ब्लॉगपोस्ट :
