Kashmir Attack : जम्मू-काश्मीरमधील प्रसिद्ध पर्यटनस्थळ पहलगाम येथील एका हिरवळीवर मंगळवारी दुपारी सुमारे २:३० वाजता झालेल्या दहशतवादी हल्ल्यात २६ जणांचा मृत्यू झाला असून अनेक जखमी झाले आहेत. मृतांमध्ये दोन विदेशी पर्यटक आणि दोन स्थानिक नागरिकांचा समावेश आहे, अशी माहिती एका वरिष्ठ अधिकाऱ्यांनी दिली.
हे २०१९ मधील पुलवामा हल्ल्यानंतरचा सर्वात मोठा दहशतवादी हल्ला मानला जात आहे.
🔍Kashmir Attack हल्ल्याची तयारी आधीच सुरू होती
केंद्रीय यंत्रणांच्या सूत्रांनी दिलेल्या माहितीनुसार, १ ते ७ एप्रिलदरम्यान या हल्ल्याच्या तयारीसाठी ‘रिकॉनिसन्स मिशन’ पार पडला होता. तीन किंवा त्यापेक्षा अधिक दहशतवाद्यांनी हा हल्ला अंजाम दिल्याचा संशय व्यक्त करण्यात आला आहे.
🎯Kashmir Attack : हल्ला कसा झाला?
प्राथमिक माहितीनुसार, २:३० वाजता २ ते ३ दहशतवादी बैसरन (पहलगाम) येथे आले आणि त्यांनी पर्यटकांची ओळखपत्रे तपासण्यास सुरुवात केली. काही क्षणातच त्यांनी बेधुंद गोळीबार सुरू केला. या ठिकाणी एक लष्करी अधिकारी आपल्या कुटुंबासह उपस्थित होते. त्यांनी प्रसंगावधान राखून इतरांचे प्राण वाचवले आणि सुरक्षित ठिकाणी आसरा घेतला.
हल्लेखोरांनी गोळीबार करण्यापूर्वी लोकांची नावे विचारून विशिष्ट लोकांना लक्ष्य केल्याची माहितीही समोर आली आहे.
बेसरन हे पाहलगाममधील निसर्गरम्य ठिकाण असून “मिनी स्वित्झर्लंड” म्हणून ओळखले जाते. हे ठिकाण पर्यटकांसाठी तर प्रसिद्ध आहेच, पण तुलियन लेककडे ट्रेक करणाऱ्या ट्रेकर्ससाठीही एक महत्त्वाचे ठिकाण आहे. पहलगामहून पोनी राइडने सहज पोहोचता येणारा हा मार्ग लिद्दर खोऱ्याचे आणि पहलगामचे भव्य दृश्य दाखवतो, त्यामुळे साहसप्रेमी आणि निसर्गप्रेमी यांच्यासाठी हे ठिकाण आवडते आहे.
Kashmir Attack पहलगाम दहशतवादी हल्ला – थरारक आणि धक्कादायक घटना
मंगळवार, दुपारी ३ वाजता, बेसरन व्हॅलीमध्ये दहशतवाद्यांनी पर्यटकांवर गोळीबार केला. ही व्हॅली दक्षिण काश्मीरमधील सर्वाधिक सुंदर आणि पर्यटकप्रिय ठिकाणांपैकी एक आहे. या गोळीबारात २६ जणांचा मृत्यू झाला असून किमान २० जण जखमी आहेत, अशी माहिती अधिकाऱ्यांनी दिली. हल्लेखोरांनी आजूबाजूच्या डोंगरातून खाली येऊन पर्यटकांना लक्ष्य केले.
🚨 सरकारची तातडीने कारवाई
हल्ल्याच्या बातमीने केंद्र सरकारमध्ये खळबळ उडाली असून केंद्रीय गृहमंत्री अमित शहा आणि जम्मू-काश्मीरचे नायब राज्यपाल मनोज सिन्हा दिल्लीहून श्रीनगरकडे रवाना झाले आहेत. पंतप्रधान नरेंद्र मोदी यांनी देखील अमित शहा यांच्याशी फोनवरून संवाद साधून संपूर्ण घटनेचा आढावा घेतला आहे.
दिल्लीमध्ये अमित शहा यांच्या अध्यक्षतेखाली एक उच्चस्तरीय बैठक घेण्यात आली, ज्यामध्ये लष्कर आणि गुप्तचर विभागाचे वरिष्ठ अधिकारी उपस्थित होते. यानंतर अमित शहा यांनी स्वतः काश्मीर गाठले.
🪖 Kashmir Attack : सुरक्षा यंत्रणांचा शोधमोहीम सुरू
गोळीबाराच्या आवाजाची माहिती मिळताच लष्कर, सीआरपीएफ व स्थानिक पोलीस घटनास्थळी दाखल झाले. १९८०च्या दशकात चित्रपट निर्मात्यांसाठी प्रसिद्ध असलेल्या बैसरन परिसरात मोठ्या प्रमाणावर अतिरेकीविरोधी मोहीम सुरू करण्यात आली आहे. सुरक्षा दलांनी परिसरात शोधमोहीम सुरू केली असून हल्लेखोरांचा माग काढण्यासाठी सर्व दिशांनी घेराव घातला आहे.
🆘Kashmir Attack आपत्कालीन नियंत्रण कक्ष स्थापन
जम्मू-काश्मीर प्रशासनाने अनंतनाग आणि श्रीनगरमध्ये २४x७ आपत्कालीन नियंत्रण कक्ष स्थापन केले असून नागरिकांनी कोणतीही मदत किंवा माहिती हवी असल्यास त्यांचा संपर्क साधावा, असे आवाहन करण्यात आले आहे.
हा हल्ला पुन्हा एकदा जम्मू-काश्मीरमधील सुरक्षेच्या प्रश्नावर गंभीर चिंता निर्माण करतो आहे.
पुढील तपशीलांसाठी नागरिकांनी अधिकृत सूत्रांवर विश्वास ठेवावा, असे आवाहन प्रशासनाकडून करण्यात आले आहे.
बेसरन येथे संशयित दहशतवादी हल्ला; अमरनाथ यात्रेपूर्वी सुरक्षेवर प्रश्नचिन्ह
दहशतवादाच्या कालखंडानंतर काश्मीरमध्ये पर्यटन पुन्हा एकदा बहरत असताना, बेसरनमध्ये झालेला संशयित दहशतवादी हल्ला ही अतिशय गंभीर घटना मानली जात आहे. विशेषतः पाहलगाम परिसरात पर्यटनाचा मोठा ओघ सुरू असून, यंदाची ३८ दिवसांची अमरनाथ यात्रा ३ जुलैपासून सुरू होणार आहे.
हल्ल्यानंतर प्रशासनाने तातडीने जखमींना बाहेर काढण्यासाठी हेलिकॉप्टरची व्यवस्था केली. तसेच स्थानिक नागरिकांनीही मोठा पुढाकार घेतला आणि पोनीच्या साहाय्याने जखमींना दुरवरच्या हिरवळीतून खाली आणले. या घटनेमुळे यात्रेपूर्वी सुरक्षेबाबत मोठी चिंता व्यक्त केली जात आहे.
Kashmir Attack – दहशतवाद्यांनी धर्म विचारून हिंदू पर्यटकांना केले टार्गेट
समाज माध्यमे आणि काही टीव्ही चैनेलनी प्रत्यक्षदर्शिंच्या घेतलेल्या मुलाखातीनुसार दहशतवादी पर्यटकांचे आय डी कार्ड चेक करत होते व प्रत्येकाचा धर्म विचारात होते, व त्यानंतर हिंदू पर्यटकांना गोळीबार करून ठार करत होते अशी माहिती समोर आली आहे.
कर्नाटकाच्या दाम्पत्याची करुण कहाणी : Kashmir Attack
समाज मध्यम साईट “x” वरील युजर @MrSinha_नी प्रसिद्ध केलेल्या पोस्टनुसार कर्नाटकातील मंजुनाथ आणि पल्लवी काश्मीरमध्ये सुट्टीवर आलेले होते. आपला सुट्टीचा दुसरा दिवस आनंदात घालवत असताना अचानक झालेल्या दहशतवादी हल्ल्यात पती मंजुनाथ यांची हत्या इस्लामी दहशतवाद्यांनी केवळ त्यांची हिंदू ओळख पटल्यावर केली, अशी माहिती समोर आली आहे.
पल्लवी यांनी त्यांना विनवणी केली की “माझाही जीव घ्या,” मात्र दहशतवाद्यांनी उत्तर दिले, “तू जिवंत राहायला पाहिजेस, जेणेकरून तू हे मोदींना सांगू शकशील.“
ही घटना अत्यंत अमानवी आणि धक्कादायक आहे.
हल्ल्यापूर्वी त्यांचा शेवटचा व्हिडिओ समोर आला आहे, ज्यात दोघं आनंदाने सहलीचा आनंद घेताना दिसत आहेत.
जम्मू-काश्मीरचे मुख्यमंत्री ओमर अब्दुल्ला यांनी या घटनेला गेल्या अनेक वर्षांतील सर्वात मोठा नागरी हल्ला म्हणून वर्णन केले आहे. “सिव्हिलियनवर इतक्या मोठ्या प्रमाणात हल्ला याआधी फार कमी वेळा पाहिला आहे,” असे त्यांनी सोशल मीडियावर पोस्ट केले.
पंतप्रधान नरेंद्र मोदी यांची संतप्त प्रतिक्रिया : Kashmir Attack
पंतप्रधान नरेंद्र मोदी सध्या विदेश दौऱ्यावर असून त्यांचीदेखील या क्रूर घटनेवर संतप्त प्रतिक्रिया आली आहे त्यांनी सोशल मिडिया माध्यम मायक्रो ब्लॉगिंग साईट “X” वर पोस्ट शेअर करताना म्हंटले आहे कि,
“जम्मू आणि काश्मीरमधील पहलगाम येथे झालेल्या दहशतवादी हल्ल्याचा मी तीव्र निषेध करतो. ज्यांनी आपल्या प्रियजनांना गमावले आहे त्यांच्याप्रती मी संवेदना व्यक्त करतो. जखमी लवकरात लवकर बरे व्हावेत अशी मी प्रार्थना करतो. पीडितांना सर्वतोपरी मदत केली जात आहे. या घृणास्पद कृत्यामागील लोकांना … सोडले जाणार नाही! त्यांचा दुष्ट अजेंडा कधीही यशस्वी होणार नाही. दहशतवादाविरुद्ध लढण्याचा आमचा निर्धार अढळ आहे आणि तो आणखी मजबूत होईल.”
काश्मीर हल्ल्याबाबत भारताच्या राष्ट्रपतींची प्रतिक्रिया.
आमचे अन्य ब्लॉगपोस्ट :
UGC NET 2025 – साठी अर्ज प्रक्रिया सुरू परीक्षेची संपूर्ण माहिती येथे वाचा
