भारतरत्न Dr. Babasaheb Ambedkar यांच्या जयंतीनिमित्त दादर, मुंबई येथे आज भव्य कार्यक्रमाचे आयोजन करण्यात आले. या कार्यक्रमात महाराष्ट्राचे मुख्यमंत्री Devendra Fadnavis, उपमुख्यमंत्री एकनाथ शिंदे,उप मुख्यमंत्री श्रीमती सुनेत्रा पवार, श्री प्रकाश आंबेडकर, छगन भुजबळ, यांनी उपस्थित राहून महामानवाला अभिवादन केले. यावेळी त्यांनी “बुद्धम् शरणम् गच्छामि, धम्मम् शरणम् गच्छामि, संघम् शरणम् गच्छामि” हा त्रिशरण मंत्र उच्चारत Gautam Buddha यांनाही कोटी-कोटी नमन केले. कार्यक्रमादरम्यान हजारो अनुयायी, सामाजिक कार्यकर्ते आणि विविध क्षेत्रातील मान्यवर मोठ्या संख्येने उपस्थित होते. दादरमधील चैत्यभूमी परिसरात सकाळपासूनच भक्तिमय वातावरण निर्माण झाले होते. अनुयायांनी बाबासाहेबांच्या प्रतिमेला पुष्पहार अर्पण करून अभिवादन केले. मुख्यमंत्री फडणवीस यांनी सोशल मीडियावर दिलेल्या संदेशात डॉ. बाबासाहेब आंबेडकर यांच्या विचारांचे स्मरण करताना त्यांना “भारतीय राज्यघटनेचे शिल्पकार, थोर अर्थतज्ज्ञ आणि लोकशाही मूल्यांचे मार्गदर्शक” असे संबोधले. त्यांनी नमूद केले की न्याय, स्वातंत्र्य, समता आणि बंधुता या मूल्यांवर आधारित समाजरचना घडविण्यासाठी बाबासाहेबांचे योगदान अमूल्य आहे. फडणवीस म्हणाले की, “डॉ. बाबासाहेब आंबेडकर यांनी भारतीय लोकशाहीला भक्कम पाया दिला. त्यांच्या विचारांमुळे समाजातील वंचित घटकांना न्याय आणि समान संधी मिळण्याचा मार्ग खुला झाला.” त्यांनी तरुण पिढीला बाबासाहेबांच्या विचारांचा अभ्यास करून त्यांचे आदर्श आचरणात आणण्याचे आवाहनही केले.
(Dr. Babasaheb Ambedkar ) : ‘महापुरुष डॉ. आंबेडकर’ या माहितीपटाचे प्रसारण
दरम्यान, Maharashtra DGIPR यांनी ‘महापुरुष डॉ. आंबेडकर’ या माहितीपटाचे प्रसारण केले. हा माहितीपट १९६८ साली फिल्म्स डिव्हिजनमार्फत तयार करण्यात आला असून, त्यामध्ये बाबासाहेबांच्या जीवनप्रवासाचा सविस्तर आढावा घेतला आहे. या माहितीपटाला प्रेक्षकांकडून मोठा प्रतिसाद मिळत आहे.डॉ. बाबासाहेब आंबेडकर यांच्या जयंतीनिमित्त राज्यभर विविध कार्यक्रमांचे आयोजन करण्यात आले असून, ठिकठिकाणी मिरवणुका, व्याख्याने आणि सामाजिक उपक्रम राबविण्यात येत आहेत. महाराष्ट्रासह देशभरात बाबासाहेबांच्या विचारांना उजाळा देत त्यांची जयंती मोठ्या उत्साहात साजरी केली जात आहे.
या पार्श्वभूमीवर दादरमधील कार्यक्रमाने समाजातील एकात्मता, समता आणि बंधुतेचा संदेश अधिक दृढ केला असून, (Dr. Babasaheb Ambedkar) बाबासाहेबांच्या विचारांची प्रेरणा पुढील पिढ्यांपर्यंत पोहोचवण्याचा संकल्प यावेळी व्यक्त करण्यात आला.
समाज माध्यमावरील प्रतिक्रियेसाठी येथे क्लिक करा.
आमचे अन्य ब्लॉगपोस्ट :
