पंतप्रधान मनमोहन सिंग यांचे निधन ! Manmohan Singh

नवी दिल्ली : पंतप्रधान मनमोहन सिंग (Manmohan Singh) यांची तब्येत बिघडल्याने त्यांना दिल्लीतील अखिल भारतीय आयुर्विज्ञान संस्थेत Admit केले गेले होते. त्यांची तब्येत अचानक बिघडल्याने 92 वर्षीय माजी पंतप्रधान मनमोहन सिंग यांचे निधन झाले. त्यांना आज रात्री 8 वाजेच्या सुमारास रुग्णालयाच्या आपत्कालीन विभागात आणण्यात आले होते. त्यांच्या कुटुंबीयांसह काँग्रेसच्या ज्येष्ठ नेत्या प्रियांका गांधी वाड्रा देखील रुग्णालयात पोहोचल्या होत्या. मात्र त्यांच्या तब्येतीमध्ये सुधारणा न होता ती आणखी बिघडली आणि भारताचे १४वे पंतप्रधान मनमोहन सिंग (Manmohan Singh) यांचे आज दि २६ डिसेंबर, २०२४ रोजी निधन झाले. ते २२ मे २००४ पासून २६ मे २०१४ पर्यंत भारताचे पंतप्रधान होते. काँग्रेस पक्षाचे सदस्य असलेल्या डॉ. मनमोहन सिंह यांनी राज्यसभेत आसामचे प्रतिनिधित्व केले. त्यांचा कार्यकाळ महत्त्वपूर्ण होता, विशेषतः १९९१ मध्ये त्यांनी केंद्रीय अर्थमंत्री म्हणून केलेल्या आर्थिक सुधारणा आणि त्यानंतरच्या आर्थिक प्रगतीमुळे ते देशातील प्रमुख राजकारणी म्हणून प्रसिद्ध झाले.

पंतप्रधान मोदीनी सोशल मिडियाच्या माध्यमातून मनमोहन सिंघ यांच्या सोबतच्या आठवणी उजागर केल्या.

मनमोहन सिंग 1991 ते 1996 या कालावधीत पीव्ही नरसिंह राव यांच्या नेतृत्वाखाली भारताचे अर्थमंत्री होते. त्यांच्या कार्यकाळात अर्थव्यवस्थेत महत्त्वपूर्ण बदल झाले. त्यानंतर, यूपीए सरकारच्या दोन्ही टर्ममध्ये 2004 ते 2014 पर्यंत ते पंतप्रधान होते. यावर्षीच्या सुरुवातीस ते राज्यसभेचे सदस्य होते, आणि एप्रिलमध्ये त्यांनी राज्यसभेतून निवृत्ती घेतली.

डॉ. मनमोहन सिंह यांचे निधन

Manmohan Singh यांचा जन्म आणि प्रारंभिक जीवन

आरंभिक जीवन: डॉ. मनमोहन सिंह (Manmohan Singh) यांचा जन्म दिनांक २६ सप्टेंबर, १९३२ रोजी सध्याच्या पाकिस्तानच्या पंजाब प्रांतात झाला. यांचे वडिलांचे नाव गुरुमुखसिंह आणि आईचे नाव अमृतकौर होते. ते उच्चशिक्षित अर्थशास्त्रज्ञ होते. त्यांनी केम्ब्रिज विद्यापीठ, ऑक्सफर्ड विद्यापीठ या आंतरराष्ट्रीय तर पंजाब विद्यापीठ या भारतीय विद्यापीठातून शिक्षण घेतले होते. संयुक्त राष्ट्रांच्या व्यापार आणि विकास विभागात काम करत असताना, भारताचे तत्कालीन विदेश व्यापारमंत्री ललित नारायण मिश्रा यांनी त्यांना आपल्या खात्यात सचिव म्हणून नियुक्त केले होते.

Manmohan Singh यांच्या जीवनातील महत्वपूर्ण घटनाक्रम :

• डॉ. मनमोहन सिंह १९५७ ते १९६५ दरम्यान चंदीगडमधील पंजाब विद्यापीठात प्राध्यापक होते .
• डॉ. मनमोहन सिंह १९६९ ते १९७१: कालावधी मध्ये दिल्ली स्कूल ऑफ इकॉनॉमिक्समध्ये आंतरराष्ट्रीय व्यापार विषयाचे प्राध्यापक राहिले.
• डॉ. मनमोहन सिंह १९७६ साली दिल्लीतील जवाहरलाल नेहरू विद्यापीठात मानद प्राध्यापक होते.
• डॉ. मनमोहन सिंह यांनी १९८२ ते १९८५ दरम्यान भारतीय रिझर्व्ह बँकेचे गव्हर्नर पद भूषविले.
• डॉ. मनमोहन सिंह १९८५ ते १९८७ दरम्यान भारताच्या योजना आयोगाचे उपाध्यक्ष होते.
• डॉ. मनमोहन सिंह १९९० ते १९९१: या कालावधी दरम्यान भारतीय पंतप्रधानांचे आर्थिक सल्लागार राहिले .
• डॉ. मनमोहन सिंह १९९१: साली पी.व्ही. नरसिंहराव यांच्या नेतृत्वाखाली काँग्रेस सरकारमध्ये अर्थमंत्री बनले.
• डॉ. मनमोहन सिंह १९९१: साली आसाममधून राज्यसभेचे सदस्य म्हणून निवडले गेले.
• डॉ. मनमोहन सिंह १९९५: दुसऱ्या वेळी राज्यसभा सदस्य म्हणून निवडले गेले.
• डॉ. मनमोहन सिंह यांना १९९६: साली दिल्ली स्कूल ऑफ इकॉनॉमिक्समध्ये मानद प्राध्यापक झाले.
• डॉ. मनमोहन सिंह १९९९: साली दक्षिण दिल्लीमधून लोकसभा निवडणूक लढले, पण ते हरले.
• डॉ. मनमोहन सिंह २००१: सालात तिसऱ्या वेळी राज्यसभा सदस्य आणि विरोधी पक्ष नेता बनले.
• डॉ. मनमोहन सिंह २००४: साली भारताच्या पंतप्रधान पदी विराजमान झाले.

Manmohan Singh यांचे आंतरराष्ट्रीय योगदान:

डॉ. मनमोहन सिंह यांनी आंतरराष्ट्रीय नाणेनिधी आणि आशियायी विकास बँक यांच्या विकासात महत्त्वपूर्ण योगदान दिले आहे.

Manmohan Singh यांची पुस्तके:

डॉ. मनमोहन सिंह यांच्यावर काही महत्त्वाची पुस्तके लिहिली गेली आहेत:

• “The Accidental Prime Minister: मेकिंग अँड अनमेकिंग ऑफ मनमोहन सिंह” (लेखक: संजय बारू, मराठी अनुवाद: लीना सोहोनी)
• “अर्थतज्ज्ञ डॉ. मनमोहनसिंह: प्रशासक ते पंतप्रधान… एक वाटचाल” (अनुवाद: अविनाश कोल्हे)
• “डॉ. मनमोहनसिंह – एक वादळी पर्व” (लेखक: सुजय शास्त्री, ग्रंथाली प्रकाशन)

Manmohan Singh यांच्या जीवनावर बनला चित्रपट:

“दि ॲक्सिडेण्टल प्राईम मिनिस्टर” हा चित्रपट हिंदी भाषेत असून त्यात अनुपम खेर यांनी डॉ. मनमोहन सिंह यांची भूमिका केली आहे. या चित्रपटाने काँग्रेस आणि गांधी घराण्यावर टीका केली आहे, त्यामुळे काँग्रेसने त्याच्या प्रदर्शनाला विरोध केला होता. ११ जानेवारी २०१९ रोजी हा चित्रपट प्रदर्शित झाला आणि ५ मे २०१९ रोजी दूरचित्रवाणीवर दाखवला गेला.

मनमोहन सिंह यांच्या योगदानामुळे भारताच्या अर्थव्यवस्थेत आणि राजकारणात त्यांनी केलेले बदल सदैव लक्षात ठेवले जातील.

पंतप्रधान मोदींच्या सोशल मिडिया वरील प्रतिक्रियासाठी येथे क्लिक करा.

आमचे अन्य ब्लॉगपोस्ट:
Ind Vs Aus- Live Cricket Score – मेलबर्न : भारत आणि ऑस्ट्रेलिया यांच्यातील चौथ्या कसोटी सामन्याला आज मेलबर्न क्रिकेट ग्राऊंडवर सुरुवात, पहिला दिवस अखेर ऑस्ट्रेलिया ३११/६, जसप्रीत बुमराहचे सर्वाधीक ३ बळी.

BOX OFFICE वरील पुष्पा-२ ची जादू कायम ! चित्रपट १५०० करोड पार ! Pushpa 2